نئی دہلی، یکم اپریل ۔ مضبوط عالمی اشاروں کی حمایت سے گھریلو شیئر مارکیٹ میں آج تیزی کا ماحول ہے۔ مالی سال 2024-25 کے پہلے کاروباری دن شیئر بازار نے آل ٹائم ہائی کا نیا ریکارڈ بنانے میں کامیابی حاصل کی۔ آج کے کاروبار کا آغاز مضبوطی کے ساتھ ہوا۔ کاروبار کے پہلے گھنٹے میں ہی سینسیکس اور نفٹی دونوں انڈیکس مضبوطی کا نیا ریکارڈ بنانے میں کامیاب رہے۔ تاہم منافع وصولی کی وجہ سے مارکیٹ میں معمولی اتار چڑھاو بھی دیکھا گیا۔ اس کے باوجودحصص بازار میں تیزی سے کاروبار جاری رہا۔ کاروبار کے پہلے گھنٹے کے بعد، سینسیکس 0.67 فیصد اور نفٹی 0.80 فیصد کے اضافے کے ساتھ کاروبار کر رہے تھے۔
کاروبار کے پہلے گھنٹے کے بعدبازار حصص کے بڑے شیئروں میں جے ایس ڈبلیو اسٹیل، ٹاٹا اسٹیل، اپولو ہاسپٹلس، لارسن اینڈ ٹوبرو اور مہندرا اینڈ مہندرا کے شیئرس 4.60 فیصد سے 1.88 فیصد کی مضبوطی کے ساتھ کاروبار کر رہے تھے۔ دوسری جانب ٹائٹن کمپنی، بجاج آٹو، ایل ٹی مائنڈ ٹری، بھارتی ایئرٹیل اور ہیرو موٹو کارپ کے شیئرس میں 0.72 فیصد سے 0.18 فیصد کی گراوٹ کے ساتھ کاروبار کرتے ہوئے نظر آ رہے تھے۔
اب تک اسٹاک مارکیٹ میں 2200 شیئروں میں ایکٹیو ٹریڈینگ ہو رہی تھی۔ ان میں سے 2,007 شیئرس منافع کمانے کے بعد سبز رنگ میں جبکہ 193 شیئرس خسارے کے بعد سرخ رنگ میں کاروبار کر رہے تھے۔ اسی طرح سینسیکس میں شامل 30 شیئرس میں سے 23 شیئرس خریداری کی حمایت کے ساتھ سبز رنگ میں رہے۔ دوسری جانب فروخت کے دباو کے باعث 7 شیئرس کی قیمتوں میں تیزی رہی۔ جبکہ نفٹی میں شامل شیئروں میں سے 42 شیئرس سبز نشان میں اور 8 شیئرس سرخ نشان میں تجارت کرتے ہوئے دیکھے گئے۔
بی ایس ای سینسیکس آج 317.27 پوائنٹس کے اضافے کے ساتھ 73,968.62 پوائنٹس کی سطح پر کھلا۔ کاروبار شروع ہوتے ہی خریداروں نے مارکیٹ میں اپنی پکڑ بنا لی جس کی وجہ سے اس انڈیکس کی نقل و حرکت بھی بڑھ گئی۔ مسلسل خریداری کے تعاون سے یہ انڈیکس 603.27 پوائنٹس کے اضافے سے 74,254.62 پوائنٹس کی بلند ترین سطح پر پہنچ گیا۔ تاہم اس کے بعد منافع وصولی کی وجہ سے اس انڈیکس کی حرکت میں معمولی کمی دیکھنے میں آئی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح سوا دس بجے سینسیکس 496.48 پوائنٹس کے اضافے کے ساتھ 74,147.83 پوائنٹس پر کاروبار کر رہا تھا۔
سینسیکس کی طرح، این ایس ای کے نفٹی نے بھی آج 128.10 پوائنٹس کے اضافے کے ساتھ 22,455 پوائنٹس پر تجارت شروع کی۔ مارکیٹ کھلنے کے بعد خریداری کی حمایت کی وجہ سے، کچھ ہی عرصے میں اس انڈیکس میں 203.05 پوائنٹس کا اضافہ ہوا اور 22,529.95 پوائنٹس کی نئی بلند ترین سطح پر پہنچ گیا۔ تاہم اس کے بعد فروخت ہونے کی وجہ سے اس انڈیکس کی حرکت میں بھی معمولی کمی ریکارڈ کی گئی۔ پہلے ایک گھنٹے تک مارکیٹ میں مسلسل خرید و فروخت کے بعد صبح سوا دس بجے نفٹی 179.65 پوائنٹس کے اضافے کے ساتھ 22,506.55 پوائنٹس پر کاروبار کر رہا تھا۔
اس سے قبل گزشتہ مالی سال کے آخری کاروباری دن جمعرات کو سینسیکس 655.04 پوائنٹس یعنی 0.90 فیصد کے اضافے کے ساتھ 73,651.35 پوائنٹس پر بند ہوا تھا۔ وہیں نفٹی نے 203.25 پوائنٹس یعنی 0.92 فیصد چھلانگ لگائی تھی اور جمعرات کی تجارت کو 22,326.90 پوائنٹس کی سطح پر ختم کیا تھا۔
