نئی دہلی ۔
نیوزی لینڈ کرکٹ ٹیم کو اس کے ہی ہوم گراو¿نڈ پر آسٹریلیا کے خلاف تین میچوں کی ٹی ٹوئنٹی سیریز میں 3-0 کی عبرتناک شکست کا سامنا کرنا پڑا۔ اس حوالے سے ٹیم کے کپتان مچل سینٹنر نے بڑا ردعمل دیا ہے۔ انہوں نے کہا کہ آسٹریلیا نے سیریز کے تینوں میچوں میں جس طرح کھیلا اس سے ظاہر ہوتا ہے کہ ان کی ٹیم بہت مضبوط ہے۔
آکلینڈ میں کھیلے گئے تیسرے ٹی ٹوئنٹی میچ میں آسٹریلیا نے نیوزی لینڈ کو 27 رنز سے شکست دے دی۔ اس کے ساتھ ہی آسٹریلوی ٹیم نے تین میچوں کی ٹی ٹوئنٹی سیریز 3-0 سے جیت لی ہے۔ بارش کے باعث آسٹریلیا نے پہلے بیٹنگ کرتے ہوئے 10.4 اوورز میں 118 رنز بنائے تھے۔ اس کے بعد نیوزی لینڈ کو ڈک ورتھ لوئس اصول کے تحت 10 اوورز میں 126 رنز بنانے کا ہدف ملا۔ تاہم ٹیم 3 وکٹوں کے نقصان پر 98 رنز ہی بنا سکی۔ میتھیو شارٹ کو ان کی آل راو¿نڈ کارکردگی (27 رنز اور 1 وکٹ) پر میچ کا بہترین کھلاڑی قرار دیا گیا۔
میچ کے بعد کی گفتگو کے دوران مچل سینٹنر نے کیوی ٹیم کے ہاتھوں شکست پر ردعمل کا اظہار کیا۔ انہوں نے کہا کہ آسٹریلیا کی ٹیم بہت اچھی ہے۔ اس نے پوری سیریز میں دکھایا کہ اس میں کتنی صلاحیت ہے۔ ہم نے بھی کچھ جگہوں پر اچھا کھیلا لیکن ہماری بولنگ اتنی اچھی نہیں تھی۔ ہم بیٹنگ کے دوران اس دباو¿ کو برداشت نہیں کر سکے۔ کیچ چھوڑنے سے ہمیں نقصان بھی اٹھانا پڑا۔ اس سیریز سے مثبت اور منفی دونوں نکات سامنے آئے۔
بتا دیں کہ نیوزی لینڈ کی ٹیم اس سیریز میں ایک بھی میچ نہیں جیت سکی اور اسی وجہ سے ان کے خلاف کئی سوالات اٹھ رہے ہیں۔ ٹی ٹوئنٹی ورلڈ کپ کی تیاریوں کو دیکھیں تو ان کی ٹیم میں بہت سی خامیاں نظر آرہی ہیں۔
