نئی دہلی، 24 دسمبر (ہ س)۔ سوشل میڈیا پر اب اروند کیجریوال کی قیادت والی عام آدمی پارٹی کی دہلی حکومت کے مبینہ دوا گھوٹالے کی گونج سے سیاسی پارہ چڑھا ہوا ہے۔ اس سلسلے میں بھارتیہ جنتا پارٹی کے انفارمیشن ٹیکنالوجی ڈپارٹمنٹ کے سربراہ امت مالویہ نے تقریباً سات گھنٹے پہلے اور دہلی کے مقامی مسائل کو لیکر سرگرم ایک اور سیاسی جماعت ’’لوک سینا ہند‘‘ کے صدر ڈاکٹر منیش رائے زادہ نے ایکس ہینڈل پر تبصرہ کیا ہے۔ ڈاکٹر رائے زادہ نے کجریوال پر سخت تنقید کی ہے۔
بھارتیہ جنتا پارٹی کے انفارمیشن ٹیکنالوجی ڈپارٹمنٹ کے سربراہ امت مالویہ نے ایکس پر ایک چینل کے نیوز فوٹیج کا ویڈیو اپ لوڈ کیا ہے۔ انہوں نے تعجب کا اظہار کرتے ہوئے لکھا، ’’شراب گھوٹالہ کے بعد اب اروند کیجریوال کی عآپ کا دوا گھوٹالہ‘‘! یاد رہے کہ مالویہ نے اے اے پی کو انگریزی کے بڑے حروف میں لکھا ہے۔ اس کے علاوہ انا تحریک میں حصہ لینے والے ڈاکٹر منیش رائے زادہ نے بھی اروند کیجریوال کو نشانہ بنایا ہے۔ وہ طویل عرصے سے عام آدمی پارٹی کے ’’بڑے اتحادی‘‘ رہے ہیں۔
فی الحال وہ اپنی سیاسی پارٹی ’’لوک سینا ہند‘‘ کے ذریعے دہلی کے بنیادی مسائل کو بھرپور طریقے سے اٹھا رہے ہیں۔ لوک سینا ہند کے صدر ڈاکٹر منیش رائے زادہ نے بھی ایک نیوز چینل کی خبر کی ویڈیو تصویر ایکس پر اپ لوڈ کی ہے اور لکھا ہے – ‘فرضی لوگ اور کتنے گھوٹالے کریں گے؟ یہی نہیں، رائے زادہ کی پارٹی نے اس معاملے پر عوام سے سوال پوچھا ہے کہ ‘کیا ایک کے بعد ایک گھوٹالے کرنے والے اروند کیجریوال کو اب استعفیٰ دے دینا چاہیے؟ ‘لوک سینا ہند کی یہ پوسٹ ڈاکٹر رائے زادہ نے اپنے ایکس ہینڈل پر دوبارہ پوسٹ کی ہے۔
قابل ذکر ہے کہ دہلی کے سابق نائب وزیر اعلیٰ منیش سسودیا اور راجیہ سبھا ممبر سنجے سنگھ عام آدمی پارٹی حکومت کے مبینہ شراب گھوٹالہ میں سلاخوں کے پیچھے ہیں۔ ایک اور سابق وزیر ستیندر جین کو بھی منی لانڈرنگ کیس میں گرفتار کیا گیا ہے۔ مبینہ شراب گھوٹالہ میں وزیر اعلیٰ اروند کیجریوال کو ای ڈی کے ذریعہ سمن جاری کیا گیا ہے۔ کیجریوال نے انہیں غیر قانونی قرار دیتے ہوئے ان کو واپس لینے کا مطالبہ کیا ہے۔ دریں اثنا دہلی کے لیفٹیننٹ گورنر نے سی بی آئی کو منشیات گھوٹالہ کی تحقیقات کا حکم دیا ہے۔ ہندوستھان سماچار//سلام
