نئی دہلی، 21 نومبر (ہ س)۔ مضبوط عالمی اشاروں کے درمیان، ہفتے کے دوسرے کاروباری دن منگل کو اسٹاک مارکیٹ کے دونوں بڑے انڈیکس تیزی کے ساتھ بند ہوئے۔ بامبے اسٹاک ایکسچینج (بی ایس ای) کا سینسیکس 275.62 پوائنٹس یا 0.42 فیصد اضافے کے ساتھ 65,930.77 پر بند ہوا۔ جبکہ نیشنل اسٹاک ایکسچینج (این ایس ای) کا نفٹی 89.40 پوائنٹس یا 0.45 فیصد اضافے کے ساتھ 19,783.40 پوائنٹ پر بند ہوا۔
کاروبار کے اختتام پر سینسیکس کے 30 شیئروں میں سے 18 شیئرمیں اضافہ دیکھا گیا اور صرف 12 شیئر میں کمی دیکھی گئی۔ ادویات، زمین جائیداد اور دھات کے حصص میں ایک فیصد اضافہ دیکھا گیا ہے۔ مارکیٹ میں اضافے کی وجہ عالمی وجوہات کو قرار دیا جا رہا ہے۔ جس کی وجہ سے مسلسل خریدار رہی اور کاروبار کے اختتام پر دونوں انڈیکس تیزی کے ساتھ بند ہونے میں کامیاب رہے۔
سینسیکس کے بڑے اسٹاک میں جے ایس ڈبلیو اسٹیل، ٹاٹا اسٹیل، ٹائٹن کمپنی، ریلائنس، سن فارما، ٹاٹا موٹرز، ایئرٹیل، ایچ ڈی ایف سی بینک، بجاج فنسر، آئی سی آئی سی آئی بینک، بجاج فائنانس، ایکسس بینک، الٹرا ٹیک سیمنٹ، ایم اینڈ ایم، ایچ سی ایل ٹیک، انفوسس، کے حصص شامل ہیں۔ نیسلے اور وپرو فائدہ کے ساتھ بند ہوئے۔ اسی وقت، این ٹی پی سی، ٹیک مہندرا، ماروتی سوزوکی، ایل اینڈ ٹی، ایس بی آئی، ٹی سی ایس، کوٹک مہندرا، پاور گرڈ، آئی ٹی سی، انڈس انڈ بینک، ایشین پینٹس اور ایچ یو ایل کے حصص میں کمی ہوئی۔
قابل ذکر ہے کہ ہفتے کے پہلے کاروباری دن پیر کو سینسیکس 139.58 پوائنٹس یا 0.21 فیصد گر کر 65,655.15 کی سطح پر بند ہوا۔ اس دوران، نفٹی بھی 37.80 پوائنٹ یا 0.19 فیصد تک پھسل کر 19,694.00 کی سطح پر بند ہوا۔
ہندوستھان سماچار/سلام
