شروعاتی کاروبار میں گھریلو شیئر بازار میں اتار- چڑھاو جاری
نئی دہلی، 8 نومبر (ہ س)۔ گھریلو شیئر بازار میں آج شروعاتی کاروبار کے دوران مسلسل اتار چڑھاو کی صورت حال بنی ہوئی ہے۔ آج کے کاروبار کی شروعات معمولی اضافے کے ساتھ ہوئی تھی لیکن بازار کھلنے کے بعد خریدار اور فروخت کنندگان والے ایک دوسرے پر حاوی ہونے کی کوشش کرنے لگے جس کی وجہ سے حصص بازار کی چال بھی اوپر نیچے ہوتی رہی۔ کاروبار کے پہلے ایک گھنٹے کے بعد سینسیکس 0.05 فیصد اور نفٹی 0.12 فیصد کے اضافے کے ساتھ کاروبار کر رہے تھے۔
کاروبار کے پہلے ایک گھنٹے کے بعد حصص بازار کے بڑے شیئروں میں، بی پی سی ایل، ڈاکٹر ریڈیز لیبارٹریز، اڈانی پورٹس، سپلا اور ایشین پینٹس کے شیئرس 3.46 فیصد سے لیکر 1.03 فیصد کے اضافے کے ساتھ کاروبار کر رہے تھے۔ دوسری طرف بجاج فائنانس، آئی سی آئی سی آئی بینک، این ٹی پی سی، نیسلے اور ٹاٹا اسٹیل کے حصص 0.68 فیصد سے لیکر 0.29 فیصد کی گراوٹ کے ساتھ کاروبار کرتے ہوئے نظر آرہے تھے۔
ابھی تک کے کاروبار میں شیئر بازار میں 2,004 شیئروں میں ایکٹیو ٹریڈنگ ہورہی تھی۔ ان میں سے 1435 شیئرس منافع کماکر سبز نشان میں کاروبار کر رہے تھے جبکہ 569 حصص خسارے کے بعد سرخ نشان میں کاروبار کرہے تھے۔ اسی طرح سینسیکس میں شامل 30 شیئروں میں سے 18 شیئرس خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 12 حصص سرخ نشان میں کاروبار کر رہے تھے۔ جبکہ نفٹی میں شامل شیئروں میں سے 36 شیئرس سبز نشان میں اور 14 شیئر سرخ نشان میں تجارت کرتے ہوئے نظر آرہے تھے۔
بی ایس ای کا سینسیکس آج 159.55 پوائنٹس کی مضبوطی کے ساتھ 65,101.95 پوائنٹس پر کھلا۔ کاروبار شروع ہوتے ہی خریداروں اور فروخت کنندگان کے درمیان رسہ کشی کی صورتحال پیدا ہوگئی جس کی وجہ سے اس انڈیکس کی حرکت میں بھی مسلسل اتار چڑھاو آنے لگا۔ فروخت کے دباو میں، یہ انڈیکس سرخ نشان میں گر کر 64,895.74 پوائنٹس پر پہنچگیا۔ اسی طرح خریداری کی حمایت سے یہ 65,124 پوائنٹس تک پہنچنے میں کامیاب بھی رہا۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 30.75 پوائنٹس کے اضافے کے ساتھ 64,973.15 پوائنٹس کی سطح پر کاروبار کر رہا تھا۔
سینسیکس کی طرح، این ایس ای کے نفٹی نے آج 42.90 پوائنٹس کے اضافے کے ساتھ 19,449.60 پوائنٹس پر تجارت شروع کی۔ ابھی تک کے کاروبار میں اس انڈیکس کی حرکت میں مسلسل اتار چڑھاؤ آتا رہا ہے۔ خریداری کی حمایت سے، یہ انڈیکس 19,455.70 پوائنٹس کی سطح پر پہنچ گیا ہے۔ جبکہ فروخت کے دباو کی وجہ سے یہ سرخ نشان میں گرکر 19,403.85 پوائنٹس کی سطح تک پہنچ گیا۔ بازار میں مسلسلخریداری و فروخت کے درمیان تجارت کے پہلے گھنٹے کے بعد صبح 10:15 بجے نفٹی 23.70 پوائنٹس کے اضافے کے ساتھ 19,430.40 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
