بالی ووڈ اداکار سلمان خان اور کترینہ کیف کی فلم ‘ٹائیگر-3’ ان دنوں خبروں میں ہے۔ چند روز قبل اس فلم کا ٹریلر ریلیز کیا گیا تھا جسے شائقین کی جانب سے بہت اچھا رسپانس ملا تھا۔ ‘ٹائیگر 3’ میں ناظرین کو سلمان کے ساتھ کترینہ کا ایکشن بھی دیکھنے کو ملے گا۔ یش راج فلمز نے آج یعنی 5 نومبر سے ‘ٹائیگر-3’ کی ایڈوانس بکنگ کھول دی ہے۔
ایڈوانس بکنگ شروع ہونے کے کچھ ہی وقت میں فلم نے ایک کروڑ روپے کا ہندسہ عبور کر لیا ہے۔ ساکنلک کی ایک رپورٹ کے مطابق، 2D کے لیے 90 لاکھ ٹکٹ فروخت ہو چکے ہیں، جبکہ باقی ٹکٹ IMAX 4D کے لیے فروخت کیے گئے ہیں۔ ‘ٹائیگر-3’ کی ایڈوانس بکنگ بین الاقوامی مارکیٹ میں شروع ہو چکی ہے، جسے برطانیہ، متحدہ عرب امارات اور امریکہ میں اچھا رسپانس ملا ہے۔ بتایا جا رہا ہے کہ میکرس ‘ٹائیگر-3’ کو 11 نومبر کو امریکہ اور کینیڈا میں ریلیز کریں گے۔
‘ٹائیگر-3’ یش راج فلمز کی اسپائی یونیورس کی پانچویں فلم ہے۔ اس فلم میں سلمان، کترینہ کیف کے ساتھ عمران ہاشمی بھی مرکزی کردار میں نظر آئیں گے۔ اس فلم میں عمران نے منفی کردار ادا کیا ہے۔ منیش شرما کی ہدایت کاری میں بننے والی یہ فلم ہندی کے ساتھ تامل اور تیلگو میں بھی 12 نومبر کو ریلیز ہوگی۔
ہندوستھان سماچار
