نئی دہلی، 17 اکتوبر (ہ س)۔ وزیر مملکت برائے امور خارجہ وی مرلیدھرن 18-19 اکتوبر کو عمان کا اپنا تیسرا سرکاری دورہ کریں گے۔ دورے کے دوران وہ عمانی قیادت اور معززین سے اعلیٰ سطحی بات چیت کریں گے۔
وزارت خارجہ کے مطابق، آنے والا دورہ ہندوستان اور عمان کے درمیان دو طرفہ تعلقات کا جامع جائزہ لینے اور کثیر جہتی تعلقات کو مزید گہرا کرنے کی راہ ہموار کرے گا۔
اپنے دورے کے دوران وزیر مملکت برائے امور خارجہ مختلف ہندوستانی کمیونٹی تنظیموں اور عمان میں مقیم ہندوستانی برادری سے بات چیت کریں گے۔ اس میں پیشہ ور افراد، بلیو کالر پروفیشنلز، ہیلتھ کیئر ورکرز، سماجی کارکنان اور اسکول کے طلباء شامل ہیں۔
ہندوستھان سماچار
