لکھنؤ، 16 اکتوبر (ہ س) اینٹی رومیو اسکواڈ اتر پردیش میں سڑک چھاپ عا شقوں اورمنچلوں کے خلاف خصوصی مہم چلا رہا ہے۔ چھ ماہ تک جاری رہے آپریشن میں 1678 ایکشن لیا گیا ،اس کارروائی میں 3324 مرد اور 4090 خواتین پولیس اہلکار شامل ہیں۔ اسکواڈ نے سڑک چھاپ عاشقوں کی شناخت کے لیے ریاست میں 30,76,246 مقامات کی جانچ کی۔ ان میں اسکول، عوامی مقامات جیسے چوراہا، بازار، مال، پارکس اور دیگر مقامات شامل ہیں۔ ان مقامات پر کل 1,34,33,261 افراد کی جانچ کی گئی۔
اس دوران 7563 مقدمات درج کیے گئے، 9512 افراد کو گرفتار کیا گیا۔ جبکہ 48,92,991 افراد کو وارننگ دے کر چھوڑ دیا گیا۔ اینٹی رومیو اسکواڈ نے پوری ریاست میں زون اور کمشنریٹ کی سطح پر کارروائی کی۔
ڈائرکٹر جنرل آف پولیس وجے کمار نے پیر کو بتایا کہ حکومت کے ارادے کے مطابق ریاست میں بیٹیوں اور خواتین کو محفوظ ماحول فراہم کرنے کے لیے اینٹی رومیو اسکواڈ شرپسندوں کے خلاف کارروائی کرنے کے لیے وقتاً فوقتاً مہم چلاتا ہے۔
اس سلسلے میں اسکواڈ کے ذریعہ ریاست بھر میں 6 ماہ م تکا ایک خصوصی مہم چلائی گئی۔ ایسی صورتحال میں زون کی سطح پر کارروائی کے لیے 8 زونز میں 1413 اینٹی رومیو اسکواڈز کو فعال کیا گیا جن میں 2977 مرد پولیس اہلکار اور 3499 خواتین پولیس اہلکار شامل تھے ۔ اسکواڈ نے سڑک چھاپ عاشقوں کی شناخت کے لیے ریاست میں 25,40,012 مقامات کی جانچ کی۔
ان میں اسکول، عوامی مقامات جیسے چوراہا، بازار، مال، پارکس اور دیگر مقامات شامل ہیں۔ ان مقامات پر کل 97,75,616 افراد کو چیک کیا گیا۔ اس دوران 7097 مقدمات درج کیے گئے، جب کہ 8951 افراد کو گرفتار کیا گیا۔ 44,31,216 افراد کو وارننگ کے ساتھ چھوڑ دیا گیا ۔
اینٹی رومیو اسکواڈ نے آگرہ زون میں سب سے زیادہ کارروائی کی، جہاں 474493 مقامات کی جانچ کرتے ہوئے 12,73,120 افراد کو چیک کیا گیا۔ 637 مقدمات درج کیے گئے جبکہ 1114 افراد کو گرفتار کیا گیا۔ اسی طرح بریلی زون دوسرے نمبر پر، لکھنؤ زون تیسرے نمبر پر، وارانسی چوتھے اور گورکھپور زون پانچویں نمبر پر ہے۔
انہوں نے بتایا کہ ریاست کے سات کمشنریٹس میں 265 اینٹی رومیو اسکواڈز کو فعال کیا گیا ہے جن میں 347 مرد پولیس اہلکار اور 591 خواتین پولیس اہلکار شامل ہیں۔ اسکواڈ نے ملزمین کی شناخت کے لیے ریاست میں 5,36,234 مقامات کی جانچ کی۔ ان مقامات پر کل 36,57,645 افراد کی جانچ کی گئی۔ اس دوران 466 مقدمات درج کیے گئے، جبکہ 561 افراد کو گرفتار کیا گیا۔ 4,61,775 افراد کو وارننگ کے ساتھ رہا کیا گیا۔
ہندوستھان سماچار//سلام
