ਦੁਬਈ। ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ਆਈਸੀਸੀ) ਨੇ ਵੀਰਵਾਰ ਨੂੰ ਵੈਸਟਇੰਡੀਜ਼ ਦੇ ਖਿਡਾਰੀ ਡੇਵੋਨ ਥਾਮਸ ‘ਤੇ ਕ੍ਰਿਕਟ ਦੇ ਸਾਰੇ ਰੂਪਾਂ ਤੋਂ ਪੰਜ ਸਾਲ ਲਈ ਪਾਬੰਦੀ ਲਗਾ ਦਿੱਤੀ ਹੈ। ਥਾਮਸ ਨੇ ਸ਼੍ਰੀਲੰਕਾ ਕ੍ਰਿਕੇਟ (ਐਸਐਲਸਹ), ਅਮੀਰਾਤ ਕ੍ਰਿਕੇਟ ਬੋਰਡ (ਈਸੀਬੀ) ਅਤੇ ਕੈਰੇਬੀਅਨ ਪ੍ਰੀਮੀਅਰ ਲੀਗ (ਸੀਪੀਐਲ) ਦੇ ਭ੍ਰਿਸ਼ਟਾਚਾਰ ਵਿਰੋਧੀ ਕੋਡ ਦੀ ਉਲੰਘਣਾ ਕਰਨ ਦੇ ਸੱਤ ਮਾਮਲਿਆਂ ਨੂੰ ਸਵੀਕਾਰ ਕੀਤਾ ਸੀ।
ਮੁਅੱਤਲੀ ਦੀ ਇਸ ਮਿਆਦ ਨੂੰ 23 ਮਈ, 2023 ਤੋਂ ਮੰਨਿਆ ਜਾਵੇਗਾ, ਜਿਸ ਦਿਨ ਥਾਮਸ ਨੂੰ ਅਸਥਾਈ ਤੌਰ ‘ਤੇ ਮੁਅੱਤਲ ਕੀਤਾ ਗਿਆ ਸੀ। ਆਈਸੀਸੀ ਨੇ ਇੱਕ ਬਿਆਨ ਵਿੱਚ ਕਿਹਾ, ਥਾਮਸ, ਜਿਨ੍ਹਾਂ ਨੇ ਦੋਸ਼ਾਂ ਨੂੰ ਸਵੀਕਾਰ ਕਰਨਾ ਚੁਣਿਆ ਅਤੇ ਭ੍ਰਿਸ਼ਟਾਚਾਰ ਵਿਰੋਧੀ ਟ੍ਰਿਬਿਊਨਲ ਦੀ ਸੁਣਵਾਈ ਦੇ ਬਦਲੇ ਆਈਸੀਸੀ ਨਾਲ ਪਾਬੰਦੀ ਲਗਾਉਣ ਲਈ ਸਹਿਮਤ ਪ੍ਰਗਾਈ, ਨੇ ਐਸਐਲਸੀ, ਈਸੀਬੀ ਅਤੇ ਸੀਪੀਐਲ ਕੋਡਾਂ ਦੇ ਪ੍ਰਾਵਧਾਨਾਂ ਦੀ ਉਲੰਘਣਾ ਕਰਨ ਦੀ ਗੱਲ ਸਵੀਕਾਰ ਕੀਤੀ ਹੈ, ਜਿਨ੍ਹਾਂ ’ਚ ਐਸਐਲਸੀ ਕੋਡ ਦਾ ਆਰਟੀਕਲ 2.1.1 – ਲੰਕਾ ਪ੍ਰੀਮੀਅਰ ਲੀਗ 2021 ਵਿੱਚ ਮੈਚਾਂ ਦੇ ਨਤੀਜੇ, ਪ੍ਰਗਤੀ, ਆਚਰਣ ਜਾਂ ਹੋਰ ਪਹਿਲੂਆਂ ਨੂੰ ਗਲਤ ਤਰੀਕੇ ਨਾਲ ਠੀਕ ਕਰਨ, ਫਿਕਸ ਕਰਨ ਜਾਂ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਕਰਨ ਲਈ ਕਿਸੇ ਵੀ ਸਮਝੌਤੇ ਵਿੱਚ ਦਾਖਲ ਹੋਣਾ। ਐਸਐਲਸੀ ਕੋਡ ਦਾ ਆਰਟੀਕਲ 2.4.4 – ਲੰਕਾ ਪ੍ਰੀਮੀਅਰ ਲੀਗ 2021 ਵਿੱਚ ਭ੍ਰਿਸ਼ਟ ਆਚਰਣ ਵਿੱਚ ਸ਼ਾਮਲ ਹੋਣ ਲਈ ਪ੍ਰਾਪਤ ਕੀਤੇ ਗਏ ਸੰਪਰਕਾਂ ਜਾਂ ਸੱਦਿਆਂ ਦੇ ਪੂਰੇ ਵੇਰਵੇ, ਬਿਨਾਂ ਕਿਸੇ ਦੇਰੀ ਦੇ ਨਾਮਜ਼ਦ ਭ੍ਰਿਸ਼ਟਾਚਾਰ ਵਿਰੋਧੀ ਅਧਿਕਾਰੀ ਨੂੰ ਦੱਸਣ ਵਿੱਚ ਅਸਫਲ ਹੋਣਾ।” ਵਿੰਡੀਜ਼ ਖਿਡਾਰੀਆਂ ਨੂੰ ਐਸਐਲਸੀ ਕੋਡ ਦੀ ਧਾਰਾ 2.1.1, ਐਸਐਲਸੀ ਕੋਡ ਦੀ ਧਾਰਾ 2.4.4, ਐਸਐਲਸੀ ਕੋਡ ਦੀ ਧਾਰਾ 2.4.6, ਐਸਐਲਸੀ ਕੋਡ ਦੀ ਧਾਰਾ 2.4.7, ਈਸੀਬੀ ਦੀ ਧਾਰਾ 2.4.4, ਸੀਪੀਐਲ ਕੋਡ ਦੀ ਧਾਰਾ 2.4.4 ਅਤੇ ਸੀਪੀਐਲ ਕੋਡ ਦੀ ਧਾਰਾ 2.4.2 ਦੇ ਤਹਿਤ ਭ੍ਰਿਸ਼ਟਾਚਾਰ ਵਿਰੋਧੀ ਕੋਡ ਦੇ ਅਪਰਾਧ ਲਈ ਦੋਸ਼ੀ ਪਾਇਆ ਗਿਆ।
ਥਾਮਸ ਨੇ ਵੈਸਟਇੰਡੀਜ਼ ਲਈ ਸਾਰੇ ਫਾਰਮੈਟਾਂ ਵਿੱਚ 34 ਮੈਚ ਖੇਡੇ ਹਨ, ਉਨ੍ਹਾਂ 2009 ਵਿੱਚ ਆਪਣਾ ਡੈਬਿਊ ਕੀਤਾ ਸੀ। ਉਨ੍ਹਾਂ ਨੇ ਆਖਰੀ ਵਾਰ 2022 ਵਿੱਚ ਵੈਸਟਇੰਡੀਜ਼ ਦੀ ਨੁਮਾਇੰਦਗੀ ਕੀਤੀ ਸੀ।
