ਨਵੀਂ ਦਿੱਲੀ, 13 ਫਰਵਰੀ : ਸ਼ਿਆਮ ਲਾਲ ਕਾਲਜ ਨੇ ਮੰਗਲਵਾਰ ਨੂੰ ਜਾਮੀਆ ਯੂਨੀਵਰਸਿਟੀ ਨੂੰ ਸਡਨ ਡੇਥ ’ਚ 5-4 ਨਾਲ ਹਰਾ ਕੇ ਦਿੱਲੀ ਓਲੰਪਿਕ ਖੇਡਾਂ 2024 ਦੇ ਹਾਕੀ ਮੁਕਾਬਲੇ ’ਚ ਪੁਰਸ਼ ਵਰਗ ਦਾ ਖਿਤਾਬ ਜਿੱਤ ਲਿਆ ਹੈ। ਨਿਰਧਾਰਿਤ ਸਮੇਂ ਤੱਕ ਮੈਚ 1-1 ਨਾਲ ਬਰਾਬਰ ਰਿਹਾ। ਸ਼ਿਆਮ ਲਾਲ ਕਾਲਜ ਲਈ ਰਵੀ ਨੇ ਨਿਰਧਾਰਤ ਸਮੇਂ ਵਿੱਚ ਗੋਲ ਕੀਤਾ ਜਦਕਿ ਜਾਮੀਆ ਲਈ ਪਵਨ ਨੇ ਗੋਲ ਕੀਤਾ।
ਇਸ ਤੋਂ ਬਾਅਦ ਪੈਨਲਟੀ ਸ਼ੂਟਆਊਟ ਦਾ ਸਹਾਰਾ ਲਿਆ ਗਿਆ, ਇੱਥੇ ਵੀ ਸਕੋਰ 3-3 ਨਾਲ ਬਰਾਬਰ ਰਿਹਾ। ਇਸ ਤੋਂ ਬਾਅਦ ਸਡਨ ਡੇਥ ਵਿੱਚ ਸ਼ਿਆਮ ਲਾਲ ਕਾਲਜ ਦੀ ਜਿੱਤ ਹੋਈ। ਮਹਿਲਾ ਵਰਗ ਦੇ ਫਾਈਨਲ ਵਿੱਚ ਯੂਨਾਈਟਿਡ ਕਲੱਬ ਨੇ ਸ਼ਿਆਮਾ ਪ੍ਰਸਾਦ ਮੁਖਰਜੀ ਕਾਲਜ ਨੂੰ 10-1 ਨਾਲ ਹਰਾਇਆ। ਯੂਨਾਈਟਿਡ ਕਲੱਬ ਲਈ ਸ਼ੁਭਮ ਅਤੇ ਮੁਸਕਾਨ ਨੇ ਤਿੰਨ-ਤਿੰਨ ਗੋਲ ਕੀਤੇ ਜਦਕਿ ਦਿਵਿਆ ਨੇ ਦੋ, ਸੋਨੂੰ ਅਤੇ ਅੰਜਲੀ ਨੇ ਇਕ-ਇਕ ਗੋਲ ਕੀਤਾ। ਸ਼ਿਆਮਾ ਪ੍ਰਸਾਦ ਮੁਖਰਜੀ ਕਾਲਜ ਲਈ ਇਕਮਾਤਰ ਗੋਲ ਕੋਮਲ ਨੇ ਕੀਤਾ।
ਪੁਰਸ਼ ਵਰਗ ਦੇ ਪਹਿਲੇ ਹਾਰਡ ਲਾਈਨ ਮੈਚ ਵਿੱਚ ਫੇਥ ਕਲੱਬ ਨੇ ਜੀਐੱਸ ਐਜੂਕੇਸ਼ਨ ਸਪੋਰਟਸ ਅਕੈਡਮੀ ਨੂੰ 4-2 ਨਾਲ ਹਰਾ ਕੇ ਤੀਜਾ ਸਥਾਨ ਹਾਸਲ ਕੀਤਾ। ਫੇਥ ਕਲੱਬ ਲਈ ਭਾਰਤ ਨੇ ਦੋ, ਰੋਹਿਤ ਅਤੇ ਸੁਮਿਤ ਨੇ ਇੱਕ-ਇੱਕ ਗੋਲ ਕੀਤਾ ਜਦਕਿ ਜੀਐਸ ਸਪੋਰਟਸ ਅਕੈਡਮੀ ਲਈ ਕੇਸ਼ਵ ਅਤੇ ਸਾਹਿਲ ਨੇ ਇੱਕ-ਇੱਕ ਗੋਲ ਕੀਤਾ।
ਮਹਿਲਾ ਵਰਗ ਦੇ ਹਾਰਡ ਲਾਈਨ ਮੈਚ ਵਿੱਚ ਜੀਐੱਸ ਐਜੂਕੇਸ਼ਨ ਸਪੋਰਟਸ ਅਕੈਡਮੀ ਨੇ ਝਿਲਮਿਲ ਹਾਕੀ ਸੈਂਟਰ ਨੂੰ 4-0 ਨਾਲ ਹਰਾ ਕੇ ਤੀਜਾ ਸਥਾਨ ਹਾਸਲ ਕੀਤਾ। ਜੀਐੱਸ ਸਪੋਰਟਸ ਅਕੈਡਮੀ ਲਈ ਕੁਸੁਮ, ਅੰਜਲੀ, ਕੁਮਕੁਮ ਅਤੇ ਵਿਧੀ ਨੇ ਇੱਕ-ਇੱਕ ਗੋਲ ਕੀਤਾ।
ਦਿੱਲੀ ਓਲੰਪਿਕ ਖੇਡਾਂ 2024 ਹਾਕੀ ਟੂਰਨਾਮੈਂਟ ਪੁਰਸ਼ਾਂ ਅਤੇ ਔਰਤਾਂ ਦੇ ਵਰਗ ’ਚ ਦਿੱਲੀ ਹਾਕੀ, ਦਿੱਲੀ ਓਲੰਪਿਕ ਐਸੋਸੀਏਸ਼ਨ ਅਤੇ ਸ਼ਿਆਮ ਲਾਲ ਕਾਲਜ ਦੀ ਸਾਂਝੇਦਾਰੀ ਵਿੱਚ ਸ਼ਿਆਮ ਲਾਲ ਕਾਲਜ ਵਿੱਚ ਸਮਾਪਤ ਹੋਇਆ।
