ਜਕਾਰਤਾ, 22 ਨਵੰਬਰ (ਹਿ.ਸ.)। ਅਰਜਨਟੀਨਾ ਨੇ ਵੈਨੇਜ਼ੁਏਲਾ ਨੂੰ 5-0 ਨਾਲ ਹਰਾ ਕੇ ਇੰਡੋਨੇਸ਼ੀਆ ‘ਚ ਚੱਲ ਰਹੇ ਅੰਡਰ-17 ਫੀਫਾ ਵਿਸ਼ਵ ਕੱਪ ਦੇ ਕੁਆਰਟਰ ਫਾਈਨਲ ‘ਚ ਪ੍ਰਵੇਸ਼ ਕਰ ਲਿਆ। ਜਿੱਥੇ ਸ਼ੁੱਕਰਵਾਰ ਨੂੰ ਉਸ ਦਾ ਸਾਹਮਣਾ ਬ੍ਰਾਜ਼ੀਲ ਨਾਲ ਹੋਵੇਗਾ।
ਪੱਛਮੀ ਜਾਵਾ ਸੂਬੇ ਦੇ ਜਲਾਕ ਹਾਰੂਪਤ ਸਟੇਡੀਅਮ ‘ਚ ਖੇਡੇ ਗਏ ਇਸ ਮੈਚ ‘ਚ ਅਰਜਨਟੀਨਾ ਲਈ ਅਗਸਟਿਨ ਫੈਬੀਅਨ ਰੁਬਰਟੋ ਨੇ ਦੋ, ਸੈਂਟੀਆਗੋ ਲੋਪੇਜ਼ ਅਤੇ ਕਲੌਡੀਓ ਏਚਵੇਰੀ ਨੇ 1-1 ਗੋਲ ਕੀਤੇ, ਜਦਕਿ ਅਰਜਨਟੀਨਾ ਨੂੰ ਇਕ ਗੋਲ ਦਾ ਫਾਇਦਾ ਵੈਨੇਜ਼ੁਏਲਾ ਦੇ ਲੁਈਸ ਫਰਾਂਸਿਸਕੋ ਬਾਲਬੋ ਵੀਏਰਾ ਦੇ ਆਤਮਘਾਤੀ ਗੋਲ ਕਾਰਨ ਮਿਲਿਆ।
ਡਿਏਗੋ ਪਲੇਸੇਂਟੇ ਦੀ ਟੀਮ ਨੇ ਪੂਰੇ ਮੈਚ ਵਿੱਚ ਦਬਦਬਾ ਬਣਾਇਆ। ਵੈਨੇਜ਼ੁਏਲਾ ਨੂੰ ਮੈਚ ਦੇ 15ਵੇਂ ਮਿੰਟ ਵਿੱਚ ਉਸ ਸਮੇਂ ਵੱਡਾ ਝਟਕਾ ਲੱਗਾ ਜਦੋਂ ਲੁਈਸ ਫਰਾਂਸਿਸਕੋ ਬਾਲਬੋ ਵੀਏਰਾ ਦੇ ਆਤਮਘਾਤੀ ਗੋਲ ਦੀ ਬਦੌਲਤ ਅਰਜਨਟੀਨਾ ਨੇ 1-0 ਦੀ ਬੜ੍ਹਤ ਹਾਸਲ ਕਰ ਲਈ। ਇਸ ਤੋਂ ਬਾਅਦ 22ਵੇਂ ਮਿੰਟ ਵਿੱਚ ਸੈਂਟੀਆਗੋ ਲੋਪੇਜ਼ ਨੇ ਗੋਲ ਕਰਕੇ ਅਰਜਨਟੀਨਾ ਨੂੰ 2-0 ਨਾਲ ਅੱਗੇ ਕਰ ਦਿੱਤਾ। ਇਸ ਤੋਂ ਬਾਅਦ ਕਪਤਾਨ ਅਤੇ 10ਵੇਂ ਨੰਬਰ ਦੇ ਖਿਡਾਰੀ ਕਲਾਉਡੀਓ ਏਚਵੇਰੀ ਨੇ ਮੈਚ ਦੇ 32ਵੇਂ ਮਿੰਟ ਵਿੱਚ ਖੱਬੇ ਪਾਸੇ ਤੋਂ ਇੱਕ ਹੋਰ ਸ਼ਾਨਦਾਰ ਗੋਲ ਕਰਕੇ ਆਪਣੀ ਟੀਮ ਦੀ ਬੜ੍ਹਤ 3-0 ਕਰ ਦਿੱਤੀ। ਅਰਜਨਟੀਨਾ ਅੱਧੇ ਸਮੇਂ ਤੱਕ 3-0 ਨਾਲ ਅੱਗੇ ਸੀ।
ਦੂਜੇ ਹਾਫ ‘ਚ ਅਰਜਨਟੀਨਾ ਨੇ ਗੇਂਦ ‘ਤੇ ਕਬਜ਼ਾ ਬਣਾਈ ਰੱਖਿਆ ਅਤੇ ਖਤਰਨਾਕ ਮੌਕੇ ਬਣਾਏ। ਮੈਚ ਦੇ 70ਵੇਂ ਮਿੰਟ ਵਿੱਚ, ਕੁਝ ਮਿੰਟ ਪਹਿਲਾਂ ਬੈਂਚ ਤੋਂ ਬਾਹਰ ਆਏ ਫ੍ਰੈਂਕੋ ਮਸਤਾਨਟੂਓਨੋ ਦੀ ਗਲਤੀ ਕਾਰਨ, ਅਰਜਨਟੀਨਾ ਨੂੰ ਪੈਨਲਟੀ ਕਿੱਕ ਦਿੱਤੀ ਗਈ ਅਤੇ ਅਗਸਟਿਨ ਫੈਬੀਅਨ ਰੁਬਰਟੋ ਨੇ ਇਸ ਨੂੰ ਗੋਲ ’ਚ ਬਦਲ ਕੇ ਆਪਣੀ ਟੀਮ ਨੂੰ 4-0 ਨਾਲ ਅੱਗੇ ਕਰ ਦਿੱਤਾ। ਇਸ ਗੋਲ ਦੇ ਠੀਕ 8 ਮਿੰਟ ਬਾਅਦ ਰੌਬਰਟੋ ਨੇ ਇੱਕ ਹੋਰ ਗੋਲ ਕਰਕੇ ਅਰਜਨਟੀਨਾ ਨੂੰ 5-0 ਨਾਲ ਅੱਗੇ ਕਰ ਦਿੱਤਾ ਅਤੇ ਅੰਤ ਵਿੱਚ ਇਹ ਸਕੋਰ ਫੈਸਲਾਕੁੰਨ ਸਾਬਤ ਹੋਇਆ ਅਤੇ ਅਰਜਨਟੀਨਾ ਦੀ ਟੀਮ ਕੁਆਰਟਰ ਫਾਈਨਲ ਵਿੱਚ ਪਹੁੰਚ ਗਈ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
