ਤੇਲ ਅਵੀਵ, 23 ਜਨਵਰੀ (ਹਿ.ਸ.)। ਗਾਜ਼ਾ ਪੱਟੀ ਵਿੱਚ ਤਿੰਨ ਮਹੀਨਿਆਂ ਤੋਂ ਵੱਧ ਸਮੇਂ ਤੋਂ ਚੱਲ ਰਹੀ ਜੰਗ ਵਿੱਚ ਇਜ਼ਰਾਈਲ ਦੀ ਫੌਜ ਨੂੰ ਹੁਣ ਤੱਕ ਦਾ ਸਭ ਤੋਂ ਵੱਡਾ ਨੁਕਸਾਨ ਹੋਇਆ ਹੈ। 24 ਘੰਟਿਆਂ ਦੌਰਾਨ ਇਸ ਲੜਾਈ ਵਿੱਚ 21 ਜਵਾਨਾਂ ਦੀ ਮੌਤ ਹੋ ਗਈ। ਇਸ ਦੌਰਾਨ ਇਜ਼ਰਾਈਲ ਨੇ ਵਿਚੋਲੇ ਰਾਹੀਂ ਫਲਸਤੀਨੀ ਅੱਤਵਾਦੀ ਸੰਗਠਨ ਹਮਾਸ ਨੂੰ ਜੰਗਬੰਦੀ ਦਾ ਪ੍ਰਸਤਾਵ ਦਿੱਤਾ ਹੈ।
ਦਿ ਟਾਈਮਜ਼ ਆਫ ਇਜ਼ਰਾਈਲ ਦੀ ਰਿਪੋਰਟ ਮੁਤਾਬਕ ਮੱਧ ਗਾਜ਼ਾ ‘ਚ ਸ਼ਨੀਵਾਰ ਨੂੰ ਦੋ ਇਮਾਰਤਾਂ ‘ਚ ਹੋਏ ਧਮਾਕਿਆਂ ‘ਚ 21 ਇਜ਼ਰਾਈਲੀ ਫੌਜੀ ਮਾਰੇ ਗਏ। ਇਹ ਧਮਾਕਾ ਹਮਾਸ ਦੇ ਅੱਤਵਾਦੀ ਨੇ ਇੱਕ ਟੈਂਕ ‘ਤੇ ਰਾਕੇਟ ਨਾਲ ਚੱਲਣ ਵਾਲੇ ਗ੍ਰਨੇਡ ਨਾਲ ਫਾਇਰਿੰਗ ਕਰਕੇ ਕੀਤਾ ਸੀ। ਇਸ ਲੜਾਈ ਵਿਚ ਜਾਣ ਗਵਾਉਣ ਹੋਣ ਵਾਲੇ ਸੈਨਿਕਾਂ ਦੀ ਗਿਣਤੀ 219 ਹੋ ਗਈ ਹੈ। ਇਜ਼ਰਾਈਲ ਦੇ ਰਾਸ਼ਟਰਪਤੀ ਇਸਾਕ ਹਰਜ਼ੋਗ ਨੇ ਕਿਹਾ ਹੈ ਕਿ ਸਾਡੇ ਬਹੁਤ ਸਾਰੇ ਵਧੀਆ ਪੁੱਤਰ ਯੁੱਧ ਵਿੱਚ ਮਾਰੇ ਗਏ ਹਨ। ਇਹ ਇੱਕ ਅਸਹਿ ਮੁਸ਼ਕਲ ਸਵੇਰ ਹੈ। ਉਨ੍ਹਾਂ ਨੇ ਦੇਸ਼ ਦੀ ਤਰਫੋਂ ਪੀੜਤ ਪਰਿਵਾਰਾਂ ਨੂੰ ਦਿਲਾਸਾ ਦਿੱਤਾ ਹੈ।
ਰੱਖਿਆ ਮੰਤਰੀ ਯੋਵ ਗੈਲੈਂਟ ਨੇ ਵੀ ਕਿਹਾ ਕਿ ਇਹ ਮੁਸ਼ਕਲ ਅਤੇ ਦਰਦਨਾਕ ਸਵੇਰ ਹੈ। ਗੈਲੈਂਟ ਨੇ ਕਿਹਾ ਹੈ ਕਿ ਇਹ ਜੰਗ ਆਉਣ ਵਾਲੇ ਦਹਾਕਿਆਂ ਤੱਕ ਇਜ਼ਰਾਈਲ ਦਾ ਭਵਿੱਖ ਤੈਅ ਕਰੇਗੀ। ਇਜ਼ਰਾਈਲ ਡਿਫੈਂਸ ਫੋਰਸਿਜ਼ (ਆਈ.ਡੀ.ਐੱਫ.) ਦੇ ਬੁਲਾਰੇ ਰੀਅਰ ਐਡਮਿਰਲ ਡੇਨੀਅਲ ਹਗਾਰੀ ਨੇ ਮੱਧ ਗਾਜ਼ਾ ਦੇ ਕਿਸੁਫਿਮ ਦੇ ਸਰਹੱਦੀ ਭਾਈਚਾਰੇ ਦੇ ਨੇੜੇ ਘਟਨਾ ‘ਚ 21 ਸੈਨਿਕਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ।
ਦਿ ਇਜ਼ਰਾਈਲ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਇਜ਼ਰਾਈਲ ਨੇ ਕਤਰ ਅਤੇ ਮਿਸਰ ਦੀ ਵਿਚੋਲਗੀ ਰਾਹੀਂ ਹਮਾਸ ਨੂੰ ਪ੍ਰਸਤਾਵ ਪੇਸ਼ ਕੀਤਾ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਜੇਕਰ ਹਮਾਸ ਗਾਜ਼ਾ ਵਿਚ ਬਾਕੀ 136 ਬੰਧਕਾਂ ਦੀ ਪੜਾਅਵਾਰ ਰਿਹਾਈ ਲਈ ਸਹਿਮਤ ਹੋ ਜਾਂਦਾ ਹੈ, ਤਾਂ ਇਜ਼ਰਾਈਲ ਦੋ ਮਹੀਨਿਆਂ ਲਈ ਹਮਾਸ ਵਿਰੁੱਧ ਫੌਜੀ ਕਾਰਵਾਈਆਂ ਨੂੰ ਰੋਕ ਦੇਵੇਗਾ।
ਸੀਐੱਨਐੱਨ ਦੀ ਰਿਪੋਰਟ ਅਨੁਸਾਰ ਮੋਸਾਦ ਦੇ ਮੁਖੀ ਡੇਵਿਡ ਬਾਰਨੀਆ ਨੇ ਪ੍ਰਸਤਾਵ ਦਿੱਤਾ ਕਿ ਵਿਆਪਕ ਜੰਗਬੰਦੀ ਸਮਝੌਤੇ ਦੇ ਹਿੱਸੇ ਵਜੋਂ ਹਮਾਸ ਦੇ ਨੇਤਾਵਾਂ ਨੂੰ ਗਾਜ਼ਾ ਪੱਟੀ ਤੋਂ ਨਿਕਲਣਾ ਹੋਵੇਗਾ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
