ਦੇਹਰਾਦੂਨ, 12 ਅਕਤੂਬਰ । ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀਰਵਾਰ ਸਵੇਰੇ ਪਿਥੌਰਾਗੜ੍ਹ ਪਹੁੰਚੇ। ਪ੍ਰਧਾਨ ਮੰਤਰੀ ਨੇ ਇੱਥੇ ਪਾਰਵਤੀ ਕੁੰਡ ਦੇ ਦਰਸ਼ਨ ਕੀਤੇ ਅਤੇ ਪੂਜਾ ਕੀਤੀ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਪਾਰਵਤੀ ਕੁੰਡ ‘ਚ ਪੂਜਾ ਕਰਨ ਤੋਂ ਬਾਅਦ ਆਦਿ ਕੈਲਾਸ਼ ਦੇ ਦਰਸ਼ਨ ਵੀ ਕੀਤੇ। ਇਸ ਦੌਰਾਨ ਅਧਿਆਤਮਿਕ ਰੰਗਾਂ ਵਿੱਚ ਰੰਗੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਡਮਰੂ, ਘੰਟਾ ਅਤੇ ਸ਼ੰਖ ਵਜਾਉਂਦੇ ਨਜ਼ਰ ਆਏ। ਉਨ੍ਹਾਂ ਨੇ ਆਦਿ ਕੈਲਾਸ਼ ਦੇ ਦਰਸ਼ਨ ਕਰਕੇ ਪੂਜਾ ਕੀਤੀ।
ਪ੍ਰਧਾਨ ਮੰਤਰੀ ਇੱਥੋਂ ਗੁੰਜੀ ਪਿੰਡ ਜਾਣਗੇ। ਜਿੱਥੇ ਉਹ ਫੌਜ, ਆਈਟੀਬੀਪੀ ਅਤੇ ਬੀਆਰਓ ਦੇ ਜਵਾਨਾਂ ਸਮੇਤ ਸਥਾਨਕ ਲੋਕਾਂ ਨਾਲ ਗੱਲਬਾਤ ਕਰਨਗੇ।ਪ੍ਰਧਾਨ ਮੰਤਰੀ ਦੁਪਹਿਰ ਕਰੀਬ 12 ਵਜੇ ਅਲਮੋੜਾ ਜ਼ਿਲ੍ਹੇ ਦੇ ਜਗੇਸ਼ਵਰ ਧਾਮ ਪਹੁੰਚਣਗੇ। ਜਿੱਥੇ ਉਹ ਪੂਜਾ ਅਰਚਨਾ ਕਰਨਗੇ। ਲਗਭਗ 6200 ਫੁੱਟ ਦੀ ਉਚਾਈ ‘ਤੇ ਸਥਿਤ ਜਗੇਸ਼ਵਰ ਧਾਮ ਵਿਚ ਲਗਭਗ 224 ਪੱਥਰ ਦੇ ਮੰਦਰ ਹਨ। ਪ੍ਰਧਾਨ ਮੰਤਰੀ ਅੱਜ ਉੱਤਰਾਖੰਡ ਵਿੱਚ 4200 ਕਰੋੜ ਰੁਪਏ ਦੀਆਂ ਯੋਜਨਾਵਾਂ ਦਾ ਉਦਘਾਟਨ ਅਤੇ ਨੀਂਹ ਪੱਥਰ ਰੱਖਣਗੇ।
