ਕੋਲਕਾਤਾ, 02 ਅਕਤੂਬਰ। ਪੱਛਮੀ ਬੰਗਾਲ ਦੇ ਪ੍ਰਾਇਮਰੀ ਅਧਿਆਪਕ ਦੀਪ ਨਰਾਇਣ ਨਾਇਕ ਦਾ ਲੰਡਨ ਵਿੱਚ ਸਨਮਾਨ ਕੀਤਾ ਜਾਵੇਗਾ। ਉਨ੍ਹਾਂ ਨੂੰ ‘ਗਲੋਬਲ ਟੀਚਰ ਐਵਾਰਡ 2023’ ਲਈ ਚੋਟੀ ਦੇ 50 ਲੋਕਾਂ ਦੀ ਸੂਚੀ ‘ਚ ਸ਼ਾਮਲ ਕੀਤਾ ਗਿਆ ਹੈ। ਇਸ ’ਚ ਆਂਧਰਾ ਪ੍ਰਦੇਸ਼ ਦੇ ਇੱਕ ਅੰਗਰੇਜ਼ੀ ਅਧਿਆਪਕ ਹਰੀ ਕ੍ਰਿਸ਼ਨ ਪਗਚਾਰੂ ਵੀ ਹਨ।
ਇਸ ਪੁਰਸਕਾਰ ਦਾ ਆਯੋਜਨ ਵਾਰਕੀ ਫਾਊਂਡੇਸ਼ਨ ਯੂਨੈਸਕੋ ਦੇ ਸਹਿਯੋਗ ਨਾਲ ਅਤੇ ਸੰਯੁਕਤ ਅਰਬ ਅਮੀਰਾਤ ਦੇ ਵਿਸ਼ਵ ਪਰਉਪਕਾਰੀ ਸੰਸਥਾ ‘ਦੁਬਈ ਕੇਅਰਜ਼’ ਦੇ ਸਹਿਯੋਗ ਨਾਲ ਮਿਲਕੇ ਕਰਦਾ ਹੈ । ਸੂਚੀ ਵਿੱਚ ਸ਼ਾਮਲ ਇਨ੍ਹਾਂ 50 ਲੋਕਾਂ ਦੇ ਨਾਮ ਦੁਨੀਆ ਦੇ 130 ਦੇਸ਼ਾਂ ਤੋਂ ਪ੍ਰਾਪਤ ਸੱਤ ਹਜ਼ਾਰ ਤੋਂ ਵੱਧ ਅਰਜ਼ੀਆਂ ਵਿੱਚੋਂ ਚੁਣੇ ਗਏ ਹਨ। ਇਸ ਵਿੱਚ 10 ਲੱਖ ਅਮਰੀਕੀ ਡਾਲਰ ਇਨਾਮ ਵਜੋਂ ਦਿੱਤੇ ਜਾਂਦੇ ਹਨ।
ਜਮੁਰੀਆ, ਆਸਨਸੋਲ ਵਿੱਚ ‘ਤਿਲਕਾ ਮਾਂਝੀ ਕਬੀਲੇ ਦੇ ਮੁਫਤ ਪ੍ਰਾਇਮਰੀ ਸਕੂਲ’ ਦੇ ਅਧਿਆਪਕ ਨਾਇਕ ਨੂੰ ਉਨ੍ਹਾਂ ਦੇ ਨਵੀਨਤਮ ਅਧਿਆਪਨ ਤਰੀਕਿਆਂ ਲਈ ਚੁਣਿਆ ਗਿਆ। ਗਲੋਬਲ ਟੀਚਰ ਐਵਾਰਡ ਨੇ ਇੱਕ ਬਿਆਨ ਵਿੱਚ ਕਿਹਾ, “ਮਹਾਂਮਾਰੀ ਦੇ ਵਿਚਕਾਰ, ਉਨ੍ਹਾਂ ਨੇ ਮਿੱਟੀ ਦੀਆਂ ਕੰਧਾਂ ਨੂੰ ਬਲੈਕਬੋਰਡਾਂ ਵਿੱਚ ਬਦਲ ਦਿੱਤਾ ਅਤੇ ਗਲੀਆਂ ਨੂੰ ਕਲਾਸਰੂਮਾਂ ਵਜੋਂ ਵਰਤਿਆ। ਉਨ੍ਹਾਂ ਦਾ ਧਿਆਨ ਮਾਪਿਆਂ ਨੂੰ ਸਿੱਖਿਅਤ ਕਰਨ, ਅੰਧਵਿਸ਼ਵਾਸ ਨੂੰ ਖਤਮ ਕਰਨ ਅਤੇ ਸਿੱਖਣ ਵਿੱਚ ਅਸਮਰਥਤਾਵਾਂ ਵਰਗੀਆਂ ਸਮੱਸਿਆਵਾਂ ਨੂੰ ਖਤਮ ਕਰਨ ‘ਤੇ ਰਿਹਾ, ਜਿਸ ਨਾਲ ਬੱਚਿਆਂ ਅਤੇ ਭਾਈਚਾਰਿਆਂ ਨੂੰ ਸਸ਼ਕਤ ਬਣਾਇਆ ਗਿਆ।
ਨਾਇਕ ਦੀਆਂ ਪਹਿਲਕਦਮੀਆਂ ਸਿਰਫ਼ ਸਿੱਖਿਆ ਤੱਕ ਹੀ ਸੀਮਤ ਨਹੀਂ ਸਨ ਸਗੋਂ ਕੁਪੋਸ਼ਣ, ਬੱਚਿਆਂ ਨਾਲ ਦੁਰਵਿਵਹਾਰ ਅਤੇ ਟਿਕਾਊ ਵਾਤਾਵਰਣ ਅਤੇ ਉਨ੍ਹਾਂ ਦੀਆਂ ‘ਰਾਸਤਰ ਮਾਸਟਰ’ (ਸੜਕ ਦੇ ਅਧਿਆਪਕ) ਪ੍ਰੋਜੈਕਟ, ਹੋਲਿਸਟਿਕ ਐਜੂਕੇਸ਼ਨ, ਕੋਵਿਡ ਤੋਂ ਬਾਅਦ ਦੀਆਂ ਚੁਣੌਤੀਆਂ ਨਾਲ ਨਜਿੱਠਣ ਲਈ ਇੱਕ ਖਾਕਾ ਪੇਸ਼ ਕਰਦੀਆਂ ਹੈ। ਅੰਤਿਮ ਸੂਚੀ ਵਿੱਚੋਂ ਦਸ ਨਾਮ ਚੁਣੇ ਜਾਣਗੇ। ਇਸ ਦਾ ਐਲਾਨ ਇਸ ਸਾਲ ਦੇ ਅੰਤ ਵਿੱਚ ਕੀਤਾ ਜਾਵੇਗਾ।
