ਮੁੰਬਈ: ਪਿਛਲੇ ਕਈ ਮਹੀਨਿਆਂ ਤੋਂ ਰਣਬੀਰ ਕਪੂਰ ਅਤੇ ਸਾਈ ਪੱਲਵੀ ਦੀ ਫਿਲਮ ‘ਰਾਮਾਇਣ’ ਚਰਚਾ ‘ਚ ਹੈ। ਇਸ ਫਿਲਮ ਨੂੰ ਨਿਤੇਸ਼ ਤਿਵਾਰੀ ਡਾਇਰੈਕਟ ਕਰ ਰਹੇ ਹਨ। ਪ੍ਰਭਾਸ ਦੀ ਆਦਿਪੁਰਸ਼ ਤੋਂ ਬਾਅਦ ਹੁਣ ਦਰਸ਼ਕਾਂ ਨੂੰ ਰਣਬੀਰ-ਸਾਈਂ ਦੀ ਫਿਲਮ ‘ਰਾਮਾਇਣ’ ਤੋਂ ਕਾਫੀ ਉਮੀਦਾਂ ਹਨ। ਇਸੇ ਤਰ੍ਹਾਂ ਹੁਣੇ ਆਈਆਂ ਖਬਰਾਂ ਮੁਤਾਬਕ ਨਿਤੇਸ਼ ਤਿਵਾੜੀ ਰਾਮ ਨੌਮੀ ਵਾਲੇ ਦਿਨ ਫਿਲਮ ”ਰਾਮਾਇਣ” ਦੀ ਗ੍ਰੈਂਡ ਅਨਾਉਂਸਮੈਂਅ ਕਰਨ ਵਾਲੇ ਹਨ।
ਖਬਰਾਂ ਮੁਤਾਬਕ ਸਾਈ ਪੱਲਵੀ-ਰਣਬੀਰ ਕਪੂਰ ਦੀ ”ਰਾਮਾਇਣ” ਫਿਲਮ ਦਾ ਐਲਾਨ ਅਗਲੇ ਮਹੀਨੇ ਅਪ੍ਰੈਲ ”ਚ ਕੀਤਾ ਜਾਵੇਗਾ। ਰਾਮ ਨੌਮੀ ਦੇ ਖਾਸ ਮੌਕੇ ‘ਤੇ ਨਿਤੇਸ਼ ਤਿਵਾਰੀ ਫਿਲਮ ‘ਰਾਮਾਇਣ’ ਦਾ ਸ਼ਾਨਦਾਰ ਐਲਾਨ ਕਰਨਗੇ। ਰਾਮਾਇਣ ਫਿਲਮ ਦਾ ਅਧਿਕਾਰਤ ਐਲਾਨ 17 ਅਪ੍ਰੈਲ ਨੂੰ ਕੀਤਾ ਜਾਵੇਗਾ। ਕਿਉਂਕਿ ਇਹ ਇੱਕ ਪੈਨ ਇੰਡੀਆ ਪ੍ਰੋਜੈਕਟ ਹੈ, ਇਸ ਲਈ ਰਾਮਾਇਣ ਦੀ ਘੋਸ਼ਣਾ ਪੂਰੇ ਭਾਰਤ ਵਿੱਚ ਸ਼ਾਨਦਾਰ ਤਰੀਕੇ ਨਾਲ ਕੀਤੀ ਜਾਵੇਗੀ।
ਫਿਲਮ ”ਰਾਮਾਇਣ” ਦੀ ਕਾਸਟਿੰਗ ਦੀ ਗੱਲ ਕਰੀਏ ਤਾਂ ਫਿਲਮ ”ਰਾਮਾਇਣ” ”ਚ ਰਣਬੀਰ ਕਪੂਰ ਭਗਵਾਨ ਸ਼੍ਰੀ ਰਾਮ ਦੀ ਮੁੱਖ ਭੂਮਿਕਾ ਨਿਭਾਅ ਰਹੇ ਹਨ, ਜਦਕਿ ਸਾਈ ਪੱਲਵੀ ਮਾਂ ਸੀਤਾ ਦੀ ਭੂਮਿਕਾ ”ਚ ਨਜ਼ਰ ਆਵੇਗੀ। ਕੇਜੀਐਫ ਸਟਾਰ ਯਸ਼ ਰਾਵਣ ਦਾ ਕਿਰਦਾਰ ਨਿਭਾਉਣਗੇ। ਸਨੀ ਦਿਓਲ ਹਨੂੰਮਾਨ ਦੀ ਭੂਮਿਕਾ ਨਿਭਾਉਣਗੇ ਅਤੇ ਬੌਬੀ ਦਿਓਲ ਕੁੰਭਕਰਨ ਦਾ ਕਿਰਦਾਰ ਨਿਭਾਉਣਗੇ। ਅਭਿਨੇਤਰੀ ਲਾਰਾ ਦੱਤਾ ਕੈਕੇਈ ਦੀ ਭੂਮਿਕਾ ਨਿਭਾਏਗੀ ਅਤੇ ਸੰਭਾਵਨਾ ਹੈ ਕਿ ਅਮਿਤਾਭ ਬੱਚਨ ਦਸ਼ਰਥ ਦੀ ਭੂਮਿਕਾ ਨਿਭਾਉਣਗੇ।
