ਬਾਲੀਵੁੱਡ ਦੇ ‘ਸੀਰੀਅਲ ਕਿਸਰ’ ਦੇ ਨਾਮ ਨਾਲ ਮਸ਼ਹੂਰ ਹੋਏ ਅਭਿਨੇਤਾ ਇਮਰਾਨ ਹਾਸ਼ਮੀ ਅੱਜਕਲ ਕਾਫੀ ਸੁਰਖੀਆਂ ‘ਚ ਹਨ। ਹਾਲ ਹੀ ‘ਚ ਉਹ ਸਲਮਾਨ ਖਾਨ-ਕੈਟਰੀਨਾ ਦੀ ਫਿਲਮ ‘ਟਾਈਗਰ 3’ ‘ਚ ਨਜ਼ਰ ਆਏ ਸਨ। ਇਹ ਫਿਲਮ ਬਾਕਸ ਆਫਿਸ ‘ਤੇ ਹਿੱਟ ਰਹੀ। ਇਸ ਫਿਲਮ ‘ਚ ਇਮਰਾਨ ਨੇ ਪਹਿਲੀ ਵਾਰ ਸਲਮਾਨ ਨਾਲ ਸਕ੍ਰੀਨ ਸ਼ੇਅਰ ਕੀਤੀ ਹੈ। ਇਸ ‘ਚ ਉਨ੍ਹਾਂ ਨੇ ਖਲਨਾਇਕ ਦਾ ਕਿਰਦਾਰ ਨਿਭਾਇਆ ਸੀ ਜਿਸ ਨੂੰ ਲੋਕਾਂ ਨੇ ਕਾਫੀ ਪਸੰਦ ਕੀਤਾ ਸੀ। ਲੋਕਾਂ ਨੇ ਇਮਰਾਨ ਦੀ ਕਾਫੀ ਤਾਰੀਫ ਕੀਤੀ।
ਇਸ ਫਿਲਮ ਤੋਂ ਬਾਅਦ ਚਰਚਾ ਸੀ ਕਿ ਇਮਰਾਨ ਹੁਣ ਫਰਹਾਨ ਅਖਤਰ ਦੀ ਆਉਣ ਵਾਲੀ ‘ਡਾਨ 3’ ‘ਚ ਨੈਗੇਟਿਵ ਰੋਲ ‘ਚ ਨਜ਼ਰ ਆਉਣਗੇ। ਫਰਹਾਨ ਨੇ ਹਾਲ ਹੀ ‘ਚ ਰਣਵੀਰ ਸਿੰਘ ਦੀ ਮੁੱਖ ਭੂਮਿਕਾ ਵਾਲੀ ‘ਡੌਨ 3’ ਦਾ ਐਲਾਨ ਕੀਤਾ ਹੈ। ਇਹ ਅਫਵਾਹ ਸੀ ਕਿ ਰਣਵੀਰ ਦੇ ਨਾਲ, ਇਮਰਾਨ ਹਾਸ਼ਮੀ ਵੀ ਫਿਲਮ ਵਿੱਚ ਬਰਾਬਰ ਦੇ ਸ਼ਕਤੀਸ਼ਾਲੀ ਖਲਨਾਇਕ ਦੇ ਰੂਪ ਵਿੱਚ ਨਜ਼ਰ ਆ ਸਕਦੇ ਹਨ। ਇਮਰਾਨ ਹਾਸ਼ਮੀ ਨੇ ਖੁਦ ਇਸ ‘ਤੇ ਰੋਕ ਲਗਾ ਦਿੱਤੀ ਹੈ।
ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਰਾਹੀਂ ਇਮਰਾਨ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ‘ਡਾਨ 3’ ‘ਚ ਕੰਮ ਨਹੀਂ ਕਰਨਗੇ। ਇਮਰਾਨ ਨੇ ਸਾਫ਼ ਕਿਹਾ ਕਿ ਉਹ ਕਦੇ ਵੀ ਇਸ ਫ਼ਿਲਮ ਦਾ ਹਿੱਸਾ ਨਹੀਂ ਸਨ। ਇਮਰਾਨ ਨੇ ਲਿਖਿਆ, ਕੁਝ ਪ੍ਰਸ਼ੰਸਕ ਅਤੇ ਪੱਤਰਕਾਰ ਜੋ ਮੈਨੂੰ ਪੁੱਛ ਰਹੇ ਹਨ, ਉਨ੍ਹਾਂ ਨੂੰ ਜਾਣਕਾਰੀ ਲਈ ਦੱਸ ਦੇਈਏ ਕਿ ਮੈਂ ‘ਡੌਨ 3’ ਦਾ ਹਿੱਸਾ ਨਹੀਂ ਹਾਂ, ਮੈਨੂੰ ਕਦੇ ਵੀ ਫਿਲਮ ਬਾਰੇ ਨਹੀਂ ਪੁੱਛਿਆ ਗਿਆ।
‘ਟਾਈਗਰ 3’ ‘ਚ ਖਲਨਾਇਕ ਦੀ ਭੂਮਿਕਾ ਨਿਭਾਉਣ ਤੋਂ ਬਾਅਦ ਹੁਣ ਇਹ ਸਾਫ ਹੋ ਗਿਆ ਹੈ ਕਿ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੇ ਇਹ ਅਫਵਾਹ ਫੈਲਾ ਦਿੱਤੀ ਹੈ ਕਿ ਇਮਰਾਨ ‘ਡਾਨ 3’ ‘ਚ ਵੀ ਵਿਲੇਨ ਹੋਣਗੇ। ‘ਡਾਨ 3’ ‘ਚ ਰਣਵੀਰ ਸਿੰਘ ਨਾਲ ਅਦਾਕਾਰਾ ਕਿਆਰਾ ਅਡਵਾਨੀ ਨਜ਼ਰ ਆਵੇਗੀ। ਫਰਹਾਨ ਨੇ ਹਾਲ ਹੀ ‘ਚ ਇਸ ਗੱਲ ਦਾ ਐਲਾਨ ਕੀਤਾ ਸੀ। ਇਮਰਾਨ ਜਲਦ ਹੀ ਆਉਣ ਵਾਲੀ ਵੈੱਬ ਸੀਰੀਜ਼ ‘ਸ਼ੋਅ ਟਾਈਮ’ ‘ਚ ਨਜ਼ਰ ਆਉਣਗੇ। ਇਹ ਸੀਰੀਜ਼ ਓਟੀਟੀ ਪਲੇਟਫਾਰਮ ਡਿਜ਼ਨੀ ਪਲੱਸ ਹੌਟਸਟਾਰ ‘ਤੇ ਰਿਲੀਜ਼ ਹੋਵੇਗੀ।
