ਮੁੰਬਈ, 27 ਨਵੰਬਰ (ਹਿ. ਸ.)। ਮਸ਼ਹੂਰ ਫਿਲਮ ਨਿਰਮਾਤਾ ਅਤੇ ਨਿਰਦੇਸ਼ਕ ਰਾਜਕੁਮਾਰ ਕੋਹਲੀ ਦਾ 24 ਨਵੰਬਰ ਨੂੰ ਮੁੰਬਈ ਵਿੱਚ ਦਿਹਾਂਤ ਹੋ ਗਿਆ। ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪਿਆ ਅਤੇ ਉਨ੍ਹਾਂ ਦੀ ਮੌਤ ਹੋ ਗਈ। ਉਨ੍ਹਾਂ ਲਈ ਐਤਵਾਰ 26 ਨਵੰਬਰ ਨੂੰ ਇਕ ਸ਼ੋਕ ਸਭਾ ਰੱਖੀ ਗਈ। ਅਭਿਨੇਤਾ ਸੰਨੀ ਦਿਓਲ ਰਾਜਕੁਮਾਰ ਕੋਹਲੀ ਨੂੰ ਸ਼ਰਧਾਂਜਲੀ ਦੇਣ ਪਹੁੰਚੇ ਸਨ ਪਰ ਉਨ੍ਹਾਂ ਦੀ ਵੀਡੀਓ ਨੂੰ ਦੇਖ ਕੇ ਨੇਟੀਜ਼ਨ ਉਨ੍ਹਾਂ ਨੂੰ ਟ੍ਰੋਲ ਕਰ ਰਹੇ ਹਨ।
ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਗਈ ਵੀਡੀਓ ‘ਚ ਸੰਨੀ ਦਿਓਲ, ਬਿੰਦੂ ਦਾਰਾ ਸਿੰਘ ਅਤੇ ਇਕ ਹੋਰ ਵਿਅਕਤੀ ਆਪਸ ‘ਚ ਗੱਲਾਂ ਕਰਦੇ ਹੋਏ, ਫਿਰ ਉੱਚੀ-ਉੱਚੀ ਹੱਸਦੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੇ ਅੱਗੇ ਮਰਹੂਮ ਰਾਜਕੁਮਾਰ ਕੋਹਲੀ ਦਾ ਬੇਟਾ ਅਰਮਾਨ ਹੈ ਅਤੇ ਲੋਕ ਉਨ੍ਹਾਂ ਨੂੰ ਦਿਲਾਸਾ ਦੇ ਰਹੇ ਹਨ। ਫਿਰ ਸੰਨੀ ਉਥੋਂ ਆਉਂਦੇ ਹਨ ਅਤੇ ਅਰਮਾਨ ਨੂੰ ਮਿਲ ਕੇ ਅੱਗੇ ਚਲੇ ਜਾਂਦੇ ਹਨ।
ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਨੇਟਿਜ਼ਨਸ ਨੇ ਗੁੱਸਾ ਜ਼ਾਹਰ ਕੀਤਾ ਹੈ। ‘ਕੀ ਇਹ ਕੋਈ ਪਾਰਟੀ ਹੈ?’ ‘ਬੇਸ਼ਰਮ, ਮਰੇ ਹੋਏ ਵਿਅਕਤੀ ਦੇ ਬੇਟੇ ਦੇ ਸਾਹਮਣੇ ਹੱਸਣਾ, ਅੰਤਿਮ ਸੰਸਕਾਰ ’ਤੇ ਹੱਸਣ ਦਾ ਇਹ ਵਿਵਹਾਰ ਦੇਖ ਦੇ ਦੁੱਖ ਹੋਇਆ, ਇਹ ਕਿਸੇ ਦੀ ਮੌਤ ‘ਤੇ ਵੀ ਇੰਨਾ ਹੱਸਦੇ ਹਨ’, ‘ਪ੍ਰਾਰਥਨਾ ਸਭਾ ‘ਤੇ ਹੱਸਣਾ ਕਿੰਨੀ ਬੇਇੱਜ਼ਤੀ ਅਤੇ ਸ਼ਰਮਨਾਕ ਹੈ’ ਵਰਗੀਆਂ ਟਿੱਪਣੀਆਂ ਕੀਤੀਆਂ ਗਈਆਂ ਹਨ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
