ਮੁੰਬਈ, 15 ਜਨਵਰੀ (ਹਿ. ਸ.)। ਦੇਸ਼ ਵਾਸੀ ਅਯੁੱਧਿਆ ਵਿੱਚ ਰਾਮ ਮੰਦਿਰ ਦੀ ਪ੍ਰਾਣ ਪ੍ਰਤਿਸ਼ਠਾ ਦਾ ਜਸ਼ਨ ਮਨਾਉਣ ਲਈ ਉਤਾਵਲੇ ਹਨ। 22 ਜਨਵਰੀ ਨੂੰ ਪ੍ਰਾਣ ਪ੍ਰਤਿਸ਼ਠਾ ਸਮਾਰੋਹ ਹੋਵੇਗਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਸਾਧੂ, ਸੰਤ, ਮਹੰਤ ਅਤੇ ਵੱਖ-ਵੱਖ ਖੇਤਰਾਂ ਦੇ ਦਿੱਗਜ਼ ਇਸ ਸਮਾਰੋਹ ਦੇ ਗਵਾਹ ਹੋਣਗੇ। ਇਸ ਸਮਾਰੋਹ ਤੋਂ ਪਹਿਲਾਂ ਬਾਲੀਵੁੱਡ ਮੈਗਾਸਟਾਰ ਅਮਿਤਾਭ ਬੱਚਨ ਨੇ ਅਯੁੱਧਿਆ ‘ਚ ਜ਼ਮੀਨ ਖਰੀਦੀ ਹੈ। ਇਸ ਤੋਂ ਇਲਾਵਾ ਬਿੱਗ ਬੀ ਇਸ ਜਗ੍ਹਾ ‘ਤੇ ਘਰ ਵੀ ਬਣਾਉਣ ਜਾ ਰਹੇ ਹਨ। ਇਸੇ ਕਰਕੇ ਅਮਿਤਾਭ ਬੱਚਨ ਚਰਚਾ ਵਿੱਚ ਹਨ ਕਿ ਕੀ ਉਹ ਅਯੁੱਧਿਆ ਦੇ ਵਸਨੀਕ ਬਣ ਜਾਣਗੇ।
ਰਾਮ ਮੰਦਰ ਪ੍ਰਾਣ ਪ੍ਰਤਿਸ਼ਠਾ ਸਮਾਰੋਹ ਤੋਂ ਪਹਿਲਾਂ, ਅਮਿਤਾਭ ਬੱਚਨ ਨੇ ਮੁੰਬਈ ਸਥਿਤ ਡਿਵੈਲਪਰ ਦਿ ਹਾਊਸ ਆਫ ਅਭਿਨੰਦਨ ਲੋਢਾ (ਹੋਬਲ) ਰਾਹੀਂ ਅਯੁੱਧਿਆ ਦੇ 7-ਸਿਤਾਰਾ ਐਨਕਲੇਵ, ਸਰਯੂ ਵਿੱਚ ਇੱਕ ਪਲਾਟ ਖਰੀਦਿਆ ਹੈ। ਰਿਪੋਰਟ ਮੁਤਾਬਕ ਬਿੱਗ ਬੀ ਇੱਥੇ 10 ਹਜ਼ਾਰ ਵਰਗ ਫੁੱਟ ਦਾ ਘਰ ਬਣਾਉਣ ਜਾ ਰਹੇ ਹਨ। ਇਸ ਪਲਾਟ ਦੀ ਕੀਮਤ 14.5 ਕਰੋੜ ਰੁਪਏ ਹੈ। ਅਯੁੱਧਿਆ ‘ਚ ਨਿਵੇਸ਼ ਕਰਨ ਤੋਂ ਬਾਅਦ ਅਮਿਤਾਭ ਬੱਚਨ ਨੇ ਕਿਹਾ, ”ਅਯੁੱਧਿਆ, ਇਸ ਸ਼ਹਿਰ ਲਈ ਮੇਰੇ ਦਿਲ ‘ਚ ਖਾਸ ਜਗ੍ਹਾ ਹੈ।
ਹੋਬਲ ਦੇ ਪ੍ਰਧਾਨ ਅਭਿਨੰਦਨ ਲੋਢਾ ਨੇ ਕਿਹਾ, “ਮੈਂ ਸਰਯੂ ਦੇ ਪਹਿਲੇ ਨਾਗਰਿਕ ਵਜੋਂ ਅਮਿਤਾਭ ਬੱਚਨ ਦਾ ਸਵਾਗਤ ਕਰਦਾ ਹਾਂ। ਇਹ ਪ੍ਰੋਜੈਕਟ ਰਾਮ ਮੰਦਰ ਤੋਂ ਕਰੀਬ 15 ਮਿੰਟ ਦੀ ਦੂਰੀ ‘ਤੇ ਹੈ। ਅੰਤਰਰਾਸ਼ਟਰੀ ਹਵਾਈ ਅੱਡਾ ਅੱਧੇ ਘੰਟੇ ਦੀ ਦੂਰੀ ‘ਤੇ ਹੈ। ਐਨਕਲੇਵ ਵਿੱਚ ਬਰੁਕਫੀਲਡ ਗਰੁੱਪ ਦਾ ਲੀਲਾ ਪੈਲੇਸ, ਹੋਟਲ ਅਤੇ ਰਿਜ਼ੌਰਟਸ ਦੇ ਨਾਲ ਸਾਂਝੇਦਾਰੀ ਵਿੱਚ ਦੁਆਰਾ ਇੱਕ ਪੰਜ-ਸਿਤਾਰਾ ਪੈਲੇਸ ਹੋਟਲ ਵੀ ਹੋਵੇਗਾ। ਇਹ ਪ੍ਰੋਜੈਕਟ 2028 ਤੱਕ ਪੂਰਾ ਹੋਣ ਦਾ ਟੀਚਾ ਹੈ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
