ବେଙ୍ଗଲୁରୁ, 15 ଅକ୍ଟୋବର (ହି.ସ.): ଅଙ୍ଗୁର କୋଳି ଖଟା ଏହି କଥା ସବୁ ଆଡେ ପ୍ରଚଳିତ , କିନ୍ତୁ କର୍ଣ୍ଣାଟକର ବାଗଲକୋଟ ଜିଲ୍ଲାର ମୁଧୋଲ ସହରର ରାଜଶେଖର ଅଙ୍ଗଡ଼ୀଙ୍କ ମାମଲାରେ ଏହା ସଠିକ୍ ନୁହେଁ। ଙ୍ଗୁର ଚାଷ ପ୍ରତି ତାଙ୍କର ରୁଚି, କଠିନ ପରିଶ୍ରମ ଓ ସମର୍ପଣ ତାଙ୍କୁ ଏକ ସଫଳ,ବିକଶିତ ଓ ପ୍ରେରଣାଦାୟୀ କୃଷକରେ ପରିଣତ କରିଛି । ସେ କେବଳ ଦୁଇ ଏକର ଜମିରେ ଚାଷକୁ 300 ଏକର ପର୍ଯ୍ୟନ୍ତ ବଢ଼ାଇଛନ୍ତି।
ସାଧାରଣ ଆରମ୍ଭରୁ ଅସାଧାରଣ ସଫଳତା ପର୍ଯ୍ୟନ୍ତ:
ରାଜଶେଖର ଅଙ୍ଗଡ଼ୀଙ୍କ କୃଷି କ୍ଷେତ୍ରରେ ପ୍ରବେଶ ଏକ ସଂଯୋଗ ଥିଲା। ତାଙ୍କର ବଡ଼ ଭାଇ, ଦିବଙ୍ଗତ ମଲ୍ଲିକାର୍ଜୁନ ଅଙ୍ଗଡ଼ୀ, ମଝିରେ ବ୍ୟାଙ୍କରେ ଚାକିରୀ କରିବାକୁ ଚାଲିଗଲେ, ଏବଂ ଚାଷ ଦାୟିତ୍ୱ ରାଜଶେଖରଙ୍କୁ ପ୍ରଦାନ କରାଯାଇଥିଲା । ସେ ସମୟରେ ସେ ଇଂଜିନିୟରିଂର ଦ୍ୱିତୀୟ ବର୍ଷର ଛାତ୍ର ଥିଲେ। ତାଙ୍କର ପିତା ଅମଲା ଥିଲେ ହେଲେ କୃଷିରେ ତାଙ୍କର ଗଭୀର ଆଗ୍ରହ ଥିଲା । ରାଜଶେଖର ମଧ୍ୟ ଚାଷକୁ ନେଇ ଉତ୍ସାହିତ ଥିଲେ । ତେଣୁ ସେ ତାଙ୍କର ବଡ଼ ଭାଇ ଦ୍ୱାରା ଚାଷ କରାଯାଇଥିବା ଦୁଇ ଏକର ଜମିରେ ଅଙ୍ଗୁର ଚାଷ କାମକୁ ଦେଖିବା ଆରମ୍ଭ କରି ଏକ ସାଧାରଣ ଶୁଭାରମ୍ଭ କରିଥିଲେ ।
ବମ୍ପର ଉତ୍ପାଦନ ଏବଂ ଆୟ:
ରାଜଶେଖର ଅଙ୍ଗଡ଼ୀଙ୍କ ପାଇଁ ଏହା ସହଜ କାମ ନଥିଲା, କାରଣ ଏହି ଫସଲ ଏହି ଅଞ୍ଚଳରେ ନୂତନ ଥିଲା ଏବଂ ନୂତନ କୃଷକମାନେ ପଡ଼ୋସୀ ମହାରାଷ୍ଟ୍ରର କୃଷକମାନଙ୍କ ପଦଚିହ୍ନକୁ ଅନୁସରଣ କରୁଥିଲେ। ଆରମ୍ଭରେ ମରାଠୀ ଜାଣିନଥିବା ସତ୍ତ୍ୱେ, ସେମାନେ ମହାରାଷ୍ଟ୍ରକୁ ଅନେକ ଯାତ୍ରା କରିବାକୁ ପଡ଼ିଥିଲା, । ଏହା ସହିତ ସେ ବୈଜ୍ଞାନିକ ଓ ବିଶେଷଜ୍ଞମାନଙ୍କ ସହ ନିୟମିତ ଆଲୋଚନା କରିବାକୁ ତାଙ୍କୁ ପଡୁଥିଲା । ତଥାପି, କଠିନ ପରିଶ୍ରମ ଫଳ ମିଳିବାକୁ ଲାଗିଲା ଏବଂ ତାଙ୍କ ପାଇଁ ଅପ୍ରତ୍ୟାଶିତ ସଫଳତାର ପଥ ଖୋଲିଗଲା । ବିପୁଳ ଉତ୍ପାଦନ ସହିତ ଲାଭକାରୀ ମୂଲ୍ୟ ମିଳିବା କାରଣରୁ ତାଙ୍କୁ ଖିୁବ ଲାଭ ହେଲା ।
ଆୟ ବଢିବା ଦ୍ୱାରା ହେଲା ବଡ ନିବେଶ
ସମସ୍ତେ ଯେପରି କରନ୍ତି ସେପରି ରାଜଶେଖର ଅଙ୍ଗଡ଼ୀ କରି ନ ଥିଲେ । ସେ ତାଙ୍କର କୃଷି (ଙ୍ଗୁର) ଆୟରୁ ହୋଇଥିବା ଆମଦନୀର ସୁଖ ଉପଭୋଗ କରିନଥିଲେ। ତାହାଙ୍କର ବଦଳରେ ସେ ଧୀରେ ଧୀରେ ତାଙ୍କର କୃଷିର ପରିମାଣକୁ ଦୁଇ ଏକରରୁ 10, 15… ଏବଂ ଶେଷରେ 300 ଏକର ପର୍ଯ୍ୟନ୍ତ ବଢ଼ାଇବା ଆରମ୍ଭ କରିଥିଲେ ।
ତାଙ୍କ ସମ୍ପର୍କରେ ବାଗଲକୋଟ ଜିଲ୍ଲାର ବେଲଗାଳୀର ଏକ କୃଷି ସ୍ନାତକ ଏବଂ କୃଷି ପରାମର୍ଶ ଉଦ୍ୟମୀ ଶିବଯୋଗୀ ଆର. ବାୟକୋଡ଼ କହନ୍ତି ଯେ. ଗୁରୁତ୍ୱପୂର୍ଣ କଥା ହେଲା ଯେ ଏହି ସମସ୍ତ ବିକାଶ ଏବଂ ବିସ୍ତାର ରାଜଶେଖରଙ୍କର ନବୀନତାପୂର୍ଣ୍ଣ କାର୍ଯ୍ୟପ୍ରଣାଳୀ, ଜ୍ଞାନ ଏବଂ ପ୍ରଯୁକ୍ତିରେ ସମ୍ଭବ ହୋଇଥିଲା ।
ସୁନ୍ଦର ଯୋଜନା, ବ୍ୟବହାରିକ ଏବଂ କଠିନ ପରିଶ୍ରମୀ:
ରାଜଶେଖର ଅଙ୍ଗଡ଼ୀ କେବଳ ଜଣେ ଅନ୍ୟ କୃଷକ ନୁହନ୍ତି , ଯିଏ ତାଙ୍କର ପେଶାରେ ସଫଳ ନହେବା ପାଇଁ ଅନେକ କାରଣ ଏବଂ ଅଭିଯୋଗ ମାନ କହିଥାନ୍ତି । ସେ ପୂର୍ଣ୍ଣ ଭାବରେ ଆବଶ୍ୟକତା ପ୍ରତି ପ୍ରତିବଦ୍ଧ, ବାସ୍ତବବାଦୀ ଦୃଷ୍ଟିକୋଣ ରଖନ୍ତି ଏବଂ କାମ ହାତରୁ ଚାଲିଯିବାରୁ ବଂଚାଇବା ପାଇଁ କଠିନ ପରିଶ୍ରମ କରନ୍ତି। ସେ ଆରମ୍ଭରେ ବଗିଚା କାମରୁ କାମ ଆରମ୍ଭ କରିଥିଲେ, ଏବଂ ଗତ 35 ବର୍ଷରେ ସମୟ ସହିତ ସେମାନଙ୍କର ଆଖୁ, ହଳଦୀ, ମକା, ସୋୟାବିନ ଏବଂ ବିଟି କପାସ ଚାଷ ଦିଗରେ ଧ୍ୟାନ କେନ୍ଦ୍ରିତ କରିଛନ୍ତି ।
—————
ହିନ୍ଦୁସ୍ଥାନ ସମାଚାର / ସମନ୍ୱୟ
