नयाँ दिल्ली, 08 नोभेम्बर (हि.स.)। बिहार विधानसभामा गए मङ्गलवार युवतीहरूलाई शिक्षित पार्नाले जनसंख्या नियन्त्रणमाथि पर्ने सकारात्मक प्रभावको बारेमा मुख्यमन्त्री नीतिश कुमारले दिएका बयानलाई लिएर राजनीतिक बवाल शुरू भएको छ। राष्ट्रिय महिला आयोगले नीतिशको बयानको निन्दा गर्दै मुख्यमन्त्रीसित आफ्नो बयानको निम्ति सारा देशलाई माफी माग्ने माग गरेको छ।
बुधवार राष्ट्रिय महिला आयोगकी अध्यक्ष रेखा शर्माले भनिन्, बिहारका मुख्यमन्त्रीको हिजोको बयान अत्यन्त आपत्तिजनक र अपमानजनक थियो। आयोगले चिन्ता व्यक्त गर्दै भन्यो, जुन ढङ्गमा उनले विधानसभामा आफ्नो कुरा राखे त्यो सी ग्रेड फिल्मको डायलग जस्तै थियो। महिलाहरू समक्ष सबैभन्दा नराम्रो कुरा के थियो भने उनीहरूको पछि बसेका पुरूषहरू हाँसिरहेका थिए। उनको हावभाव लगभग भद्दा दिल्लगी जस्तै थियो। सबैभन्दा नराम्रो कुरा त, अध्यक्षले उनलाई अहिलेसम्म हटाएका छैनन्। बिहार विधानसभा अध्यक्षले उनको विरोधमा कदम उठाउनुपर्छ।
रेखा शर्माले भनिन्, विधानसभामा उनले गरेका अर्मयादित टिप्पणी हरेक महिलाको गरिमा अनि सम्मानको अपमान हो। उनको भाषा अत्यन्त आपत्तिजनक र तल्लो स्तरको छ। यदि कुनै नेताले लोकतन्भमा यसरी सार्वजनिक रूपमा बयान दिन्छन् भने तपाईहरू कल्पना गर्नसक्नुहुन्छ कि राज्यमा महिलाहरूको अवस्था कस्तो होला।
हिन्दुस्थान समाचार/उष्णता
