कोलकाता, 23 अगस्त (हि.स.)। दुर्गा पूजा सँघारमै छ। तर मौसमको मारले कोलकाता सहित पश्चिम बंगालका केही जिल्लाहरूमा यस पर्वको तयारीमाथि प्रभाव पारिरहेको छ। गंगीय पश्चिम बंगाल तथा बंगलादेशमाथि निर्मित चक्रवातबाट आगामी सोमवार नयाँ निम्न दबाव निर्माण हुने सम्भावना छ। मौसम विभागको भनाइ छ, वर्ष बंगालको खाड़ीमा निर्मित यो आठौंं निम्न दबाव हुनेछ।
पछिल्लो दुई महिनादेखि लगातार परिरहेको पानीले यस वर्षको नयाँ रेकर्ड बनाएको छ। आँकड़ा अनुसार बितेको 01 जूनदेखि 22 अगस्तसम्म कोलकातामा 1,135 मिलीमीटर औ हावड़ामा 1,250 मिलीमीटर वर्षा दर्ता गरिएको छ। मौसम कार्यालयले मछुआराहरूलाई शनिवारसम्म समुद्रमा नजाने कड़ा चेताउनी दिएको छ। बंगाल तथा ओडिशा तटमा मछुआराहरूलाई विशेष सतर्कता अप्नाउने निर्देश दिएको छ।
भदौ महिनामा प्रत्येक वर्ष बाफिने गर्मी र पसिनाले मानिसहरूको बेहाल हुन्थ्यो भने यसपालि लगभग दिनहुँ आकाश कालो भएर झमझम पानी परिरहेको छ। यसबाट दुर्गापूजाको तयारी प्रभावित भइरहेको छ। कुम्हालेहरूलाई प्रतिमा बनाउनमा विभिन्न कठिनाईहरू भइरहेको छ भने पण्डाल निर्माण गर्नु पनि बाधा उत्पन्न भइरहेको छ। आयोजक र शिल्पकारहरूले अब यो प्रश्न सोधिरहेका छन्, आखिर वर्षा कहिले रोकिनेछ?
निम्न दबावको प्रभावले शनिवार दक्षिण बंगालका केही जिल्लाहरूमा भारीभन्दा अति भारी वर्षा हुने चेताउनी दिइएको छ। बाँकुड़ा, पुरुलिया, पूर्व औ पश्चिम मेदिनीपुर, झाड़ग्राम, बीरभूम एवं दक्षिण 24 परगनामा घना वर्षा हुने सम्भावना छ भने मुर्शिदाबाद, नदिया, पूर्व औ पश्चिम बर्दवान, उत्तर औ दक्षिण 24 परगनामा पनि तीव्र वर्षा हुनसक्छ।
उत्तर बंगालमा शनिवार छरिेको वर्षा हुने सम्भावना व्यक्त गरिएको छ। मेघ गर्जन सहित वर्षा हुनेछ साथै यस अवधि हावाको गति 30-40 किलोमीटर प्रतिघण्टासम्म हुनसक्छ। जलपाईगुड़ी र अलिपुरद्वार जिल्लामा पनि घना वर्षा हुने पूर्वानुमान छ।
हिन्दुस्थान समाचार / उष्णता छेत्री शर्मा
