अफगानिस्तानमा तीन दिनदेखि लगातारको वर्षाका कारण आएको भीषण बाढीमा ३३ जनाको मृत्यु भएको छ

इस्लामाबाद । अफगानिस्तानमा मौसमी वर्षाका कारण आएको भीषण बाढीका कारण विगत तीन दिनमा कम्तीमा ३३ जनाको मृत्यु भएको छ भने २७ जना घाइते भएका छन् । तालिवानका प्रवक्ताले आइतबार यो जानकारी दिएका हुन् ।

प्राकृतिक प्रकोप व्यवस्थापन राज्य मन्त्रालयका तालिबान प्रवक्ता अब्दुल्लाह जनान साकले आइतबार राजधानी काबुल र देशका अन्य धेरै प्रान्तहरूमा अचानक बाढी आएको बताए। उनका अनुसार ६ सयभन्दा बढी घर आंशिक वा पूर्ण रुपमा ध्वस्त भएका छन् भने करिब २०० गाईवस्तु मारिएका छन् । एसएसीले करिब ८०० हेक्टर कृषि जमिन र ८५ किलोमिटर (५३ माइल) भन्दा बढी सडक बाढीबाट क्षति भएको बताएको छ ।

उनले पश्चिमी फराह, हेरात, दक्षिणी जाबुल र कान्दाहार सबैभन्दा बढी क्षतिग्रस्त प्रान्त भएको बताए। अफगानिस्तानका ३४ प्रान्तमा आगामी दिनमा थप वर्षा हुने मौसम विभागले चेतावनी दिएको छ ।

For more updates follow our Whatsapp  and Telegram Channel