नयाँ दिल्ली, 24 मार्च : विदेश मन्त्रालयले दिल्ली आबकारी नीति घोटाला मामिलामा पक्रा परेका दिल्लीका मुख्यमन्त्री अरविन्द केजरीवालमाथि जर्मन विदेश मन्त्रालयका प्रवक्ताको टिप्पणीहरूमा कड़ा विरोध गरेको छ। यसलाई भारतको आन्तरिक मामिलाहरूमा दखल बताउँदै नयाँ दिल्लीस्थित जर्मन मिशनका उप प्रमुखलाई मन्त्रालयमा बोलाइयो। यस सम्बन्धमा गरिएको पक्षपातपूर्ण धारणाहरू अत्यन्त अऩुचित हो भनियो।
विदेश मन्त्रालयले यस सम्बन्धमा जानकारी साझा गरेको छ। मन्त्रालयले भऩ्यो, नयाँ दिल्लीमा जर्मन मिशनका उप प्रमुख जर्ज एन्जवीलरलाई आज बोलाइयो र हाम्रो आन्तरिक मामिलाहरूमा उनका विदेश मन्त्रालयका प्रवक्ताको टिप्पणीहरू भारतको करड़ा विरोधसित उनलाई अवगत गराइयो। साथै उनलाई भनियो कि भारतले यस्ता टिप्पणीहरूलाई हाम्रो न्यायिक प्रक्रियामा हस्तक्षेप र हाम्रो न्यायपालिकाको स्वतन्त्रतालाई दुर्बल बनाउने रूपमा हेर्दछ। भारत एक जीवन्त र बलियो लोकतन्त्र हो, जहाँ कानूनको शासन छ। दिल्लीको आबकारी नीति घोटालासित सम्बन्धित मनी लन्ड्रिङ मामलामा मुख्यमन्त्री केजरीवाललाई ईडीले 21 मार्चमा पक्राउ गरेको थियो। अहिले उनी 28 मार्चसम्म ईडीको हिरासतमा छऩ्।
जर्मन विदेश मन्त्रालयले भनेको थियो, हामीले ध्यान दिएका छौं, भारत एक लोकतान्त्रिक देश हो। आशा गर्छौं, न्यायपालिकाको स्वतन्त्रता र बुनियादी लोकतान्त्रिक सिद्धान्तहरूसित सम्बन्धित मानकहरूलाई यस मामिलामा पनि लागू गरिनेछ। आरोपहरूको सामना गर्ने कुनैपनि व्यक्ति सरह केजरीवाल निष्पक्ष सुनवाईका अधिकारी हुन्, यसमा कुनैपनि प्रतिबन्ध बिना सबै उपलब्ध कानूनी मार्गहरूको उपयोग गर्नु सामेल छ। निर्दोष हुने अनुमान कानूनको शासनको एक केन्द्रिय तत्व हो र यो लागू हुनुपर्छ।
