– परीक्षा देशको 128 वटा शहरमा 20 फरवरीदेखि 7 मार्चबीच 48 लाख प्रार्थीका लागि आयोजन गरिने
नयॉं दिल्ली, 11 फरवरी : प्रथमपटक केन्द्रिय सशस्त्र पुलिस बलमा (सीएपीएफ) कन्स्टेबल (जीडी) भर्नाको निम्ति परीक्षा हिन्दी र अङ्ग्रेजी बाहेक 13 वटा थप क्षेत्रीय भाषामा आयोजन गरिनेछ। यो परीक्षा 48 लाख प्रार्थीका लागि देशको 128 वटा शहरमा 20 फेब्रुअरीदेखि 7 मार्चसम्म आयोजन गरिनेछ। उक्त जानकारी पीआईबीले प्रेस विज्ञप्तिमा दिएको छ।
प्रधानमन्त्री नरेन्द्र मोदीको नेतृत्त्व तथा केन्द्रिय गृहका साथै सहकारिता मन्त्री अमित शाहको मार्गदर्शनमा, गृह मन्त्रालयले 01 जनवरी, 2024 देखि सीएपीएफमा कन्स्टेबल (जेनरल ड्युटी) परीक्षा हिन्दी र अङ्ग्रेजी बाहेक 13 वटा क्षेत्रीय भाषामा आयोजन गर्ने निर्णय लिएको हो। यो ऐतिहासिक निर्णय केन्द्रिय गृह तथा सहकारिता मन्त्री अमित शाहको पहलमा स्थानीय युवाहरूको केन्द्रिय सशस्त्र पुलिस बलमा सहभागिता बढाउन र क्षेत्रीय भाषा प्रोत्साहित ग्रन लिइएको हो।
कन्स्टेबल (जेनरल ड्युटी) परीक्षाको निम्ति प्रश्नपत्र अब हिन्दी र अङ्ग्रेजीबाहेक आसमी, बङ्गाली, गुजराती, मराठी, मलयालम, कन्नड, तमिल, तेलेगू, ओडिया, ऊर्दू, पञ्जाबी, मणिपुरी, कोङ्कणी भाषामा तयार गरिनेछ। कन्स्टेबल जीडी परीक्षा कर्मचारी चयन आयोग (एसएससी) द्वारा आयोजन गरिने ध्वजवाहक परीक्षामध्ये एक हो जसले देशभरीका लाखौं युवा आकर्षित गर्दछ।
यसो हुँदा केन्द्रिय गृह मन्त्रालय अनि कर्मचारी चयन आयोगले हिन्दी र अङ्ग्रेजी बाहेक माथि उल्लेखित 13 वटा क्षेत्रीय भाषामा परीक्षा आयोजन गर्ने सम्झौता ज्ञापनमा हस्ताक्षर गरेको छ। सोही अनुरूप एसएससीले कन्स्टेबल (जीडी) परीक्षा, 2024 हिन्दी र अङ्ग्रेजीबाहेक 13 वटा अन्य क्षेत्रीय भाषामा आयोजन गर्ने अधिसूचना जारी गरेको छ।
यसको परिणामस्वरूप परीक्षामा भाग लिने लाखौं युवाले आफ्नो मातृभाषा/क्षेत्रीय भाषामा परीक्षा दिई चयनको सम्भावना बढाउन सक्नेछन्। यसको परिणामस्वरूप सम्पूर्ण देशका प्रार्थीहरूमा रोजगारको समान अवसर प्राप्त गर्ने सम्भावना बढाउनेछ।
केन्द्र सरकारको यस पहलका साथ, देशका युवाहरूले कर्मचारी चयन आयोगद्वारा आयोजित केन्द्रिय सशस्त्र पुलिस बलमा कन्स्टेबल (जेनरल ड्युटी) परीक्षामा भाग लिई राष्ट्र सेवामा करिअर बनाउने स्वर्णिम अवसर प्राप्त गरेका छन्।
