कोलकाता, 12 जनवरी (हि.स.)। पश्चिम बंगालको राजधानी कोलकाता लगायत राज्यका अन्य ठाउॅंहरूमा 24 घण्टाभित्र तापक्रममा तीनदेखि चार डिग्री ह्रास दर्ता गरिएको छ। यस कारण एकपल्ट फेरि जाडो बढेको छ।
मौसम विभागले शुक्रवार जारी गरेको बयानमा भनेको छ, राजधानी कोलकातामा न्यूनतम तापक्रम 14.01 डिग्री सेल्सियस रेकर्ड गरिएको छ, जुन सामान्य हो। एक दिनअघि तापक्रम 17.6 डिग्री सेल्सियस थियो। कोलकाता लगायत हावड़ा, हुगली, उत्तर र दक्षिण 24 परगना, पूर्व र पश्चिम मेदिनीपुर, पुरुलिया, बांकुड़ा तथा राज्यका अन्य ठाउॅंहरूमा पनि तापक्रममा ह्रास दर्ता गरिएको छ।
राज्यका अन्य ठाउॅंहरूमा पनि तापक्रममा ह्रास दर्ता गरिएको छ, जस कारण मकर संक्रान्तिभन्दा अघि एकपल्ट फेरि जाडो बढेको छ। उत्तर बंगालको अलीपुरद्वार, कूचबिहार, जलपाइगढी, दार्जीलिङ र कालेबुङमा जाडो अझ बढेको छ। मौसम विभागले आगामी हप्तादेखि तापक्रममा बढोतरी हुन थालेपछि जाडो समाप्त हुने बताएको छ।
हिन्दुस्थान समाचार/भवानी
