राँची, 22 दिसम्बर (हि.स.)। प्रतिबन्धित नक्सली सङ्गठन भाकपा माओवादीका नक्सलीहरूले गए बिहीवार राती लगभग 11 बजे गोइलकेरा अनि पोसैता स्टेशनमाझ विस्फोट गरेर रेल पटरीलाई उड़ाइदिए। यसले गर्दा चक्रधरपुर रेल मण्डलको हावड़ा-मुम्बई मुख्य रेलमार्गमा रेलहरूको परिचालन ठप्प भएको छ। उक्त घटनालाई मध्यनजर गर्दै सतर्कतास्वरूप शालीमार-कुर्ला अप एक्सप्रेस ट्रेन(18030)-लाई गोईलकेरा स्टेशनमा रोकियो।
प्रतिबन्धित नक्सली सङ्गठनले 22 दिसम्बरमा भारत बन्दको घोषणा गरेको छ। बन्द शुरू हुनपूर्व नै नक्सलीहरूले चक्रधरपुर रेल मण्डलको गोइलकेरा र पोसैता रेलवे स्टेशनमाझ अवस्थित पोल संख्या 356/29ए तथा 31एबीच थर्ड लाइनमा विस्फोट गरी रेल पटरीलाई उड़ाइदिए।
नक्सलीहरूले यस स्थानलाई ब्यानर एवं पोस्टरहरूले भरिदिएका छन्। उक्त विस्फोटको जानकारी यस रेल खण्डको दोस्रो लाइनबाट गुज्रिरहेको एउटा मालगाड़ीको क्रू अनि गार्डले नजिकैको स्टेशनलाई दिएको थियो। त्यसपछि चक्रधरपुर रेल मण्डलमा खैलाबैला शुरू भयो। घटनालाई ध्यानमा राखेर यस मार्गमा तत्काल रेलहरूको परिचालनलाई रोकिएको छ।
सीनियर डीसीएम गजराज सिंहले बताए, सूचना प्राप्त हुनसाथ सम्पूर्ण रेल मण्डलमा रेलहरूको परिचालनलाई रोकियो। सुरक्षाबलको टीमलाई घटनास्थलमा पठाइयो। डीआरएम एजे राठौड़ले भोर बिहान चार बजे भने, अहिलेसम्म रेलहरूको परिचालन बहाल हुन सकेको छैन। चक्रधरपुर राउरकेला सरण्डा प्यासेन्जर स्पेशलको परचालन रद्द गरिएको छ।
रेलवेका अधिकारीहरू अनुसार विस्फोटको सूचना पाउनसाथ 18478 -योगनगरी ऋषिकेश पूरी उत्कल एक्सप्रेस, 12905-पोरबन्दर शालीमार एक्सप्रेस, 18006-जगदलपुर हावड़ा एक्सप्रेस,12102-शालीमार एलटीटी एक्सप्रेस, 12129-पुणे हावड़ा एक्सप्रेस, 12810- हावड़ा सीएसएमटी एक्सप्रेस, 12222-हावड़ा पुणे एक्सप्रेस, 12151-एलटीटी शालीमार एक्सप्रेस औ 12130-हावड़ा पुणे एक्सप्रेसलाई नजिकैका स्टेशनहरूमा रोकियो।
हिन्दुस्थान समाचार/उष्णता
