खरसाङ, 08 दिसम्बर (हि.स.)। खरसाङको कार्यक्रममा राज्यकी मुख्यमन्त्री ममता ब्यानर्जीले जीटीए कर्मचारीहरूको लागि गरेको घोषणापछि आज खरसाङ बजारमा जीटीए कर्मचारीहरूले पटेका पड्काएर खुशी मनाए।
खरसाङको मन्टिभियट खेल मैदानमा मुख्यमन्त्री ब्यानर्जीले जीटीए कर्मचारीहरूको अवकाशपछि 20 लाख रूपियाँ ग्रेच्युटीको रूपमा दिइने घोषणा साथै कर्मचारीहरूको वेतनमा संसोधन गरिने घोषणा गरेको केही क्षणमै खरसाङ बजारमा जीटीए कर्मचारीहरूले पटेका पड्काएर खुशी मनाए।
कर्मचारीहरूले अनित थापा जिन्दावादको नारा पनि लगाएका थिए। कर्मचारीहरू खुशी भएर पटेका पड्काउँदै मुख्यमन्त्री ममता ब्यानर्जी र जीटीए चिफ् अनित थापालाई धन्यवाद दिए।
यस अवसरमा पतिकारहरूसित कुराकानी गर्दै जीटीए कर्मचारी संगठनका महासचिव सुवास बस्नेतले जीटीए कर्मचारी संगठनको पक्षमा जीटीए चिफ् अनित थापा र मुख्यमन्त्री ममता ब्यानर्जीलाई धन्यवाद दिए। उनले यो जीटीए कर्मचारीहरूको दीर्घकालीन माग रहेको थियो भन्दै आजको घोषणापछि अब लिखित रूपमा पनि आउने आशा व्यक्त गरे। उनले जसरी हाम्रो माग अनुसार आज घोषणा भयो र हाम्रो स्थायीकरणको माग पनि यसरी नै पूरा हुनेछ भनी आशा व्यक्त गरे।
हिन्दुस्थान समाचार/हनोक
