लखनऊ, 21 नोभेम्बर (हि.स.)। बजरङ्ग दलका राष्ट्रिय संयोजक नीरज दौनेरियाले भने, हामी देशका 30 हजार मन्दिरहरूलाई मुक्त गराउनेछौं। यो कुरा सर्वविदितै छ, मुगल आक्रमणकारीहरूले हाम्रा मन्दिरहरूलाई भत्काएर मस्जिद बनाएका छन्। कुनै पनि जिल्लामा यस्ता स्थलहरू छन् भने सबैलाई मुक्त गराइनेछ। उनले भने, अयोध्या हाम्रो भयो अब मथुरा-काशीको पालो। हिन्दु शक्तिशाली भयो भने सबै समस्याको समाधान हुनेछ। हामी हिन्दु समाजलाई सङ्गठित बनाउनेछौं।
जुन हिन्दु समाजलाई कमजोर मानिन्थ्यो शौर्य जागरण गराएपछि त्यै हिन्दु समाजले दासताको ढाँचालाई ध्वस्त बनाइदियो। बजरङ्ग दलका राष्ट्रिय संयोजक दुई दिवसीय प्रवासमा लखनऊ आएका थिए। यस अवधि उनले बजरङ्ग दलका पदाधिकारीहरूसित बैठक गरे। नीरज दौनेरियाले “हिन्दुस्थान समाचार”- लाई बताए, बजरङ्ग दलले देशमा 88 लाख गोवंशलाई हत्याराहरूको हातबाट हत्या हुनदेखि बचाएको छ। विश्व हिन्दु परिषद्ले देशभरि नै 550 गोशालाहरू संचालन गरिरहेको छ।
बजरङ्ग दलका राष्ट्रिय संयोजकले भने, भारत अनादिकालदेखि नै हिन्दु राष्ट्र हो। हामीलाई पक्का र साँचो हिन्दु बन्नु छ। यसैले हाम्रो आचार-विचार, व्यवहार, आचरण, रहन-सहन अनि पहिरनबाट हिन्दु देखिनुपर्छ। हामीले हाम्रो देश अनि धर्मलाई यतिसाह्रो सशक्त बनाउनुपर्छ कि कसैले हामीमाथि आक्रमण गर्ने साहस सम्म नगरोस्। उनले भने, युवाहरूमा देवभक्तिसँगसँगै देशभक्ति जगाउनका लागि गाउँ-गाउँमा बलोपासना केन्द्र संचालन गरिनेछ।
उनले बताए, आगामी 22 जनवरी, 2024-मा हामी देशभरि नै राम मन्दिरको दिपावली मनाउनेछौं। अनेकौं सङ्घर्ष पश्चात आज श्रीराम जन्मभूमिमा भव्य राम मन्दिर निर्माण भइरहेको छ। बजरङ्ग दलका कार्यकर्ताहरू देशको प्रत्येक गाउँमा घर-घर श्रीराम जन्मभूमिको पूजित अक्षता दिन जानेछन्। साथै सम्बन्धित गाउँका मन्दिरहरूलाई प्राण प्रतिष्ठाको दिन आयोजना हुने कार्यक्रममा सामेल हुनका लागि निम्तो दिनेछन्।
हिन्दुस्थान समाचार/उष्णता
