देहरादून, 26 अक्टोबर (हि.स.)। पिथौरागढ़को धारचुला-गुञ्जी मार्गमा तपा मन्दिर नजिक 5 सय मीटर माथिबाट झरेको जीपमा सवार सबै 6 जना यात्रीहरूको शव बिहीवार उद्धार गरियो। गए बुधवार आदि कैलाशबाट यात्रीहरूलाई लिएर फर्केको जीप दुर्घटनाग्रस्त भएको थियो। जीपमा सवार 6 मध्ये 4 जना यात्रीहरू आदि कैलाश यात्राबाट फर्केका थिए भने अन्य दुईजना स्थानीय थिए।
एसडीआरएफद्वारा जानकारी गराइए अनुसार मनोज धोनीको अगुवाईमा एसडीआरएफको रेस्क्यू टीम घटनास्थल तर्फ प्रस्थान भएको थियो, तर भारी वर्षाको कारणले दुर्घटना भएको तत्काल बचाउ एवं राहत अभियान संचालन गर्न सम्भव भएन। वाहन (UK04-TB 2734)-मा 6 जना यात्रीहरू सवार थिए जो आदि कैलाश यात्राको निम्ति आएका थिए। यीमध्ये दुईजना स्थानीय वासिन्दा थिए।
आज बिहान एसडीआरएफको टीमले स्थानीय पुलिस र अन्य बचाउ एकाईहरूको सहयोगबाट संयुक्त रेस्क्यू अपरेशन संचालन गऱ्यो। गहिरो खाड़लमा उत्रेर बचाउ कर्मीहरू दुर्घटनाग्रस्त जीपसम्म पुग्न सफल भए। त्यसपछि सबै छःजना यात्रीहरूको शव उद्धार गरियो। मृतकहरूमा बेंगलुरू निवासी सत्यब्रदा पारैदा (59), हैदराबाद निवासी नीलाला पन्नोल (58), मनीष मिश्रा (48), दिल्ली निवासी प्रज्ञा (52), पिथौरागढ़ निवासी हिमांशु कुमार (24) र वीरेन्द्र कुमार (39) सामेल छ।
हिन्दुस्थान समाचार/उष्णता
