व्ही-जॉनने रणबीर कपूरसह सादर केली नवी जाहिरात मोहीम

मुंबई, 23 सप्टेंबर 2025 – भारतातील आघाडीचा शेव्हिंग क्रीम ब्रँड व्ही-जॉनने आपल्या नवीन जाहिरात मोहिमेचा आरंभ केला आहे. या मोहिमेसाठी ब्रँडने प्रसिद्ध अभिनेता रणबीर कपूरला ब्रँड अॅम्बेसिडर म्हणून सादर केलं असून, फोटोकॉपी नहीं, ओरिजिनल दिखो हा मोहिमेचा प्रमुख संदेश आहे. स्वतंत्र व्यक्तिमत्त्वाचा गौरव करणारी मोहीम

फोटोकॉपी नहीं, ओरिजिनल दिखो या थीमद्वारे आजच्या तरुणांना त्यांच्या स्वतःच्या ओळखीचा आदर करण्याचे आणि समाजात रूढ असलेल्या प्रतिमांच्या अनुकरणाऐवजी स्वतःची एक वेगळी छाप निर्माण करण्याचे आवाहन करण्यात आले आहे. व्ही-जॉनच्या मते, ग्रूमिंग म्हणजे केवळ दिसणं नाही, तर तो आत्मविश्वास वाढवणारा अनुभव आहे.

रणबीर कपूरचा सहभाग

या मोहिमेबाबत रणबीर कपूर म्हणाले, “आजची पिढी केवळ मिसळून जायला तयार नाही, त्यांना उठून दिसायचं आहे. व्ही-जॉनचा संदेश – ‘फोटोकॉपी होणं थांबवा आणि स्वतःला स्वीकारा’ – हा अत्यंत प्रभावी आहे. ही एक साधी पण ताकदीची कल्पना आहे आणि ती मला खूप भावली.”

जाहिरात संकल्पना आणि माध्यमांत प्रसारण

या मोहिमेची संकल्पना Havas Creative या एजन्सीने केली असून, Dentsu Media सोबत भागीदारीत टीव्ही, डिजिटल, प्रिंट आणि सोशल मीडियावर तिचं प्रसारण होत आहे. मोहिमेत विनोद, ताजेपणा आणि तरुणाईची उर्जा यांचा समावेश असून, ती आजच्या तरुणांशी थेट संवाद साधते.

व्ही-जॉनचा वारसा आणि दृष्टिकोन

गेल्या सहा दशकांपासून भारतीय घरांमध्ये विश्वासाने वापरला जाणारा व्ही-जॉन ब्रँड नेहमीच पुरुषांच्या गरजा आणि अपेक्षा ओळखून दर्जेदार उत्पादने सादर करत आला आहे. नवीन मोहिमेतूनही कंपनीने पुन्हा एकदा स्वतःचं अस्सल व्यक्तिमत्त्व जपण्याचा संदेश दिला आहे.

माध्यमांद्वारे प्रभावी पोहोच

ही मोहीम टीव्ही आणि डिजिटल प्लॅटफॉर्म्सवर विशेष व्हिडीओजच्या माध्यमातून, तर सोशल मीडियावर मजेदार आणि प्रेरणादायक कंटेंटच्या रूपात सादर केली जात आहे. याशिवाय प्रिंट माध्यमांतूनही व्ही-जॉनचा संदेश व्यापक प्रमाणात लोकांपर्यंत पोहचवला जात आहे.

———————–

हिंदुस्थान समाचार / यशपाल गायकवाड