મેડ્રિડ,નવી દિલ્હી, 2 ફેબ્રુઆરી : સ્ટ્રાઈકર જોસેલુએ, બે ગોલની મદદથી, રીઅલ મેડ્રિડને ગુરુવારે રાત્રે ગેટાફેને 2-0થી હરાવી લા લિગાની ટોચ પર પરત ફર્યો હતો.
જાન્યુઆરીની શરૂઆતમાં સ્પેનિશ સુપરકપમાં, તેની સહભાગિતાને કારણે મેચ ફરીથી શેડ્યૂલ કરવામાં આવી હતી અને રીઅલ મેડ્રિડે, તેની સતત છઠ્ઠી લીગ જીત હાંસલ કરી હતી.
રિયલ મેડ્રિડની શરૂઆત શાનદાર રહી, તેણે બોલ પર તાત્કાલિક નિયંત્રણ મેળવ્યું અને પહેલા હાફમાં ગેટાફે પર દબાણ મૂક્યું. મેચની 14મી મિનિટે જોસેલુએ, લુકાસ વાઝક્વેઝના ક્રોસ બાદ, હેડર પર ગોલ કરીને મેડ્રિડને લીડ અપાવી હતી.
મેડ્રિડે, પ્રથમ હાફ સુધી પોતાની લીડ જાળવી રાખી હતી. મેસન ગ્રીનવુડ સાથેની અથડામણ બાદ, સેન્ટ્રલ ડિફેન્ડર એન્ટોનિયો રુડિગરને થયેલી ઈજા, એ ગેટાફે માટે ખરાબ સમાચાર હતા. એડ્યુઆર્ડો કામાવિંગાએ બીજા હાફમાં, જર્મનનું સ્થાન લેવું પડ્યું હતું.
ગ્રીનવુડે બ્રેક પછી ગેટાફે માટે પ્રથમ બે તકો બનાવી, પરંતુ તેને કન્વર્ટ કરી શક્યો નહીં. મેચની 56મી મિનિટે જોસેલુએ મેચનો, બીજો ગોલ કરીને મેડ્રિડની લીડ બમણી કરી દીધી હતી. રિયલ મેડ્રિડે અંતિમ હૂટર સુધી, તેમની 2-0ની લીડ જાળવી રાખી અને સતત છઠ્ઠી જીત નોંધાવી.
