તિરુવનંતપુરમ, નવી દિલ્હી 10 ડિસેમ્બર (હિ.સ.) બારમો એડમિરલ કપ સેઇલિંગ રેગાટા એઝીમાલામાં, ઇન્ડિયન નેવલ એકેડેમીના એટ્ટીકુલમ બીચ પર 8 ડિસેમ્બરના રોજ, ભવ્ય સમારોહ સાથે સમાપ્ત થયો. મિડશિપમેન એવલોન એન્ટોનિયો અને મિડશિપમેન ક્રિએટી કાર્લો લિયોનાર્ડોની આગેવાની હેઠળની ઇટાલિયન ટીમે, એડમિરલ કપ 2023 જીત્યો હતો. ભારતીય ટીમ ટુર્નામેન્ટની રનર અપ બની હતી. ટીમ ઈન્ડિયાનું પ્રતિનિધિત્વ મિડશિપમેન પીપીકે રેડ્ડી અને કેડેટ જીવાય રેડ્ડીએ પણ, શાનદાર પ્રદર્શન સાથે કર્યું હતું.
બ્રિટિશ ટીમનું નેતૃત્વ, બ્રિટિશ નૌકા અધિકારીઓ કેડેટ લ્યુસી બેલ અને મિડશિપમેન આરોન મિડલટન દ્વારા કરવામાં આવ્યું હતું. જ્યારે જર્મન ટીમનું નેતૃત્વ કેડેટ બેકમેન કાર્લ અને કેડેટ હેઈન્ઝ એન્ટોન દ્વારા, કરવામાં આવ્યું હતું. આ બંને ટીમોએ સંયુક્ત રીતે, ત્રીજું સ્થાન મેળવ્યું હતું. પુરુષોની વ્યક્તિગત સ્પર્ધામાં, રશિયાના સીમેન ગોર્કુનોવ્હ પેટર પ્રથમ સ્થાને રહ્યા હતા. ત્યારબાદ ઇટલીના મિડશિપમેન એવલોન એન્ટોનિયો બીજા સ્થાને અને ભારતના મિડશિપમેન પીપીકે રેડ્ડી ત્રીજા સ્થાને હતા.
મહિલાઓની વ્યક્તિગત સ્પર્ધામાં, ગ્રેટ બ્રિટનની ઓફિસર કેડેટ લ્યુસી બેલ પ્રથમ, ઈન્ડોનેશિયાની કેડેટ સાંગલા એલ્મા સાલ્સડિલા બીજા ક્રમે અને ભારતની કેડેટ જાન્હવી સિંઘ ત્રીજા ક્રમે રહી હતી.
કાર્યક્રમના મુખ્ય અતિથિ તરીકે, ઈન્ડિયન નેવલ એકેડેમીના કમાન્ડન્ટ વાઈસ એડમિરલ પુનીત બહલે સમાપન સમારોહમાં, વિજેતા અને રનર અપને એડમિરલ કપ અને રનર્સ અપને વ્યક્તિગત પુરસ્કારો એનાયત કર્યા હતા.
એડમિરલ કપ 5 થી 8 ડિસેમ્બર દરમિયાન, સ્પર્ધા માટે નિર્ધારિત દિવસોમાં લેસર રેડિયલ બોટમાં સ્પર્ધાત્મક સઢવાળી રેસ હતી. 08 મહિલા સ્પર્ધકો સહિત 43 સ્પર્ધકોએ લેસર રેડિયલમાં પડકારરૂપ પવન અને હવામાનમાં તેમની નૌકા કૌશલ્ય દર્શાવી અને છેલ્લા ચાર દિવસમાં નૌકાવિહારના દરેક અવરોધમાંથી તેમની નૌકાઓનું સંચાલન કર્યું.
2010 માં તેની શરૂઆત થઈ ત્યારથી, આ સ્પર્ધાઓ ખૂબ જ લોકપ્રિય બની છે. એડમિરલ કપ સેઇલિંગ રેગાટા, 2023 ની આ આવૃત્તિમાં ભારતીય નેવલ એકેડમી, ઇઝીમાલા અને ખડકવાસલ્યા ખાતેની, નેશનલ ડિફેન્સ એકેડમીના 20 દેશો અને ભારતીય ટીમોએ ભાગ લીધો હતો.
હિન્દુસ્થાન સમાચાર/
