ডেৰাডুন, ২৫ অক্টোবৰ (হি.স.)। ৰাষ্ট্ৰপতি দ্ৰৌপদী মুৰ্মুৰ আগন্তুক উত্তৰাখণ্ড ভ্ৰমণৰ বিশদ ভ্ৰমণসূচী প্ৰকাশ কৰিছে ৰাষ্ট্ৰপতি কাৰ্যালয়ে। ভ্ৰমণসূচী অনুসৰি অহা ২ নৱেম্বৰত ৰাষ্ট্ৰপতি ডেৰাডুনত উপস্থিত হ’ব। আহি পোৱাৰ লগে লগে হৰিদ্বাৰৰ পতঞ্জলি বিশ্ববিদ্যালয়ৰ সমাৱৰ্তন অনুষ্ঠানত মুখ্য অতিথি হিচাপে অংশগ্ৰহণ কৰিব।
সন্ধিয়া ডেৰাডুনৰ ৰাজপুৰ পথৰ ৰাষ্ট্ৰপতি নিকেতনত নিকেতনত থাকিব ৰাষ্ট্ৰপতি। পিছদিনা অৰ্থাৎ ৩ নৱেম্বৰত ৰাষ্ট্ৰপতিয়ে উত্তৰাখণ্ড বিধানসভাৰ বিশেষ অধিৱেশনত ভাষণ দিব। সেইদিনা সন্ধিয়া তেওঁ নৈনীতাললৈ ৰাওনা হ’ব আৰু নিশাটো নৈনীতালৰ ৰাজ ভৱনত থাকিব।
ইফালে ৪ নৱেম্বৰত ৰাষ্ট্ৰপতিগৰাকীয়ে কাইঞ্চি ধাম ভ্ৰমণ কৰিব আৰু তাৰ পিছত কুমাওন বিশ্ববিদ্যালয়ৰ সমাৱৰ্তন অনুষ্ঠানত মুখ্য অতিথি হিচাপে অংশগ্ৰহণ কৰিব। অনুষ্ঠানত ছাত্র-ছাত্রীকো সন্মানিত কৰিব তেওঁ। এই ভ্ৰমণৰ সামৰণিৰ পিছত ৪ নৱেম্বৰৰ বিয়লি ৰাষ্ট্ৰপতি পুনৰ নতুন দিল্লীলৈ উভতি যাব।
ৰাষ্ট্ৰপতি মুৰ্মুৰ এই তিনিদিনীয়া ভ্ৰমণ উত্তৰাখণ্ডৰ কুমাওন আৰু গড়ৱাল দুয়োটা অঞ্চলৰ বাবে গুৰুত্বপূৰ্ণ বুলি বিবেচিত হৈছে।
हिन्दुस्थान समाचार / মনোজ কুমাৰ শইকীয়া
