লক্ষ্ণৌ, ১২ ছেপ্টেম্বৰ (হি.স.)। উত্তৰ প্ৰদেশৰ ৰাজধানী লক্ষ্ণৌৰ কাকোৰী থানা এলেকাত বৃহস্পতিবাৰে গভীৰ নিশা কাইজাৰবাগ ডিপোৰ এখন ৰোডৱেজ বাছে দুৰ্ঘটনাগ্ৰস্ত হয়। এই দুৰ্ঘটনাত বাছখনত যাত্ৰা কৰা ৫ জন যাত্ৰীৰ মৃত্যু হোৱাৰ বিপৰীতে ১৯ জন লোক আহত হয়। ঘটনা সন্দৰ্ভত তথ্য লাভ কৰাৰ লগে লগে সংমণ্ডল আয়ুক্ত ডাঃ ৰোশন জেকব, লক্ষ্ণৌ আৰক্ষী আয়ুক্ত অমৰেন্দ্ৰ কুমাৰ চেংগাৰ, জিলা দণ্ডাধীশ বিশাখ জী আৰু সকলো প্ৰশাসনিক বিষয়াই চিকিৎসালয়ত উপস্থিত হৈ আহতসকলৰ অৱস্থাৰ বিষয়ে বুজ লৈছে।
আৰক্ষী আয়ুক্তগৰাকীয়ে কৈছেৰবাগ ডিপোৰ ইউ পি ৭৮ এল এন ১৩৪০ নম্বৰৰ ৰোডৱেজ বাছখন হৰদয়ৰ পৰা যাত্ৰীসহ লক্ষ্ণৌলৈ আহি থকা বুলি জানিবলৈ দিয়ে। বৃহস্পতিবাৰে নিশা বিটা নলা দলং টিকইটগঞ্জৰ সমীপত নিয়ন্ত্ৰণৰ বাহিৰ হৈ খাৱৈত বাগৰি পৰে। এই তথ্য লাভ কৰাৰ লগে লগে আৰক্ষীয়ে ঘটনাস্থলীত উপস্থিত হৈ আহতসকলক চিকিৎসালয়লৈ লৈ যায় আৰু মৃতদেহকেইটা মৰণোত্তৰ পৰীক্ষাৰ বাবে প্ৰেৰণ কৰে।
ইয়াত ট্ৰমা চেণ্টাৰত উপস্থিত হৈ আহতসকলৰ অৱস্থাৰ বিষয়ে সোধা-পোছা কৰাৰ পিছত জিলা দণ্ডাধীশ বিশাখ জীয়ে চিকিৎসকসকলক ৰোগীসকলক উন্নত চিকিৎসাৰ ব্যৱস্থা কৰিবলৈ নিৰ্দেশ দিছে। তেওঁ কয় যে হৰদয়ৰ পৰা লক্ষ্ণৌলৈ আহি আছিল ৰোডৱেজ বাছখন। পথচাৰী এজনক বচাবলৈ চেষ্টা কৰাৰ সময়তে গাড়ীখনে নিয়ন্ত্ৰণ হেৰুৱাই বাগৰি পৰে। এই দুৰ্ঘটনাত ৫ জন লোকে প্ৰাণ হেৰুৱাইছে আৰু ১৯ জন আহত হৈছে।
নিহত দুজন পিলিভিত জিলাৰ বাবুৰাম, মথুৰাৰ নৰদেৱ, বদৌনৰ সঞ্জীৱ, লক্ষ্ণৌৰ কাকোৰীৰ দিলছাদ বুলি জানিব পৰা গৈছে। এজন অচিনাকি ব্যক্তিক চিনাক্ত কৰা হৈছে।
আহত ইৰছাদ, অনুৰাগ, অৰবিন্দ অৱস্থী, সঞ্জয়, ৰাজেশ মৌৰ্য, বসন্ত দেৱী, সঞ্জীৱ প্ৰকাশ, অৰুণ কুমাৰ, ভাৰত কুমাৰ, দীনেশ, শুভাজিৎ মুখাৰ্জী, সুহাইল আহমেদ, দুৰ্গেশ, ৰাকেশ, অভিৰাল ভাৰ্মা, অনুপ, অনুজৰাজ, চালক অনিল কুমাৰ আৰু পৰিচালক মহম্মদ ৰেহানক প্ৰেৰণ কৰা হৈছে চিকিৎসাৰ বাবে চিকিৎসালয়লৈ লৈ যায়। আহতসকলক প্ৰথমে চি এইচ চি কাকোৰী আৰু মালিহাবাদলৈ প্ৰেৰণ কৰা হয় বুলি জানিবলৈ দিয়ে ডি এম গৰাকীয়ে। গুৰুতৰভাৱে আহত ৮ জন লোকক কেজিএমচি ট্ৰমা চেণ্টাৰলৈ অনা হয়। এজনক বলৰামপুৰ চিকিৎসালয়ত চিকিৎসাধীন হৈ আছে।
हिन्दुस्थान समाचार / মনোজ কুমাৰ শইকীয়া
