ইটানগৰ, ১৮ নৱেম্বৰ (হি.স.)। অৰুণাচল প্ৰদেশত সংঘটিত হোৱা এক ভূমিস্খলনৰ ঘটনাত অসমৰ ৪ জনকৈ লোকৰ মৃত্যু হৈছে। শেহতীয়া তথ্য অনুসৰি চুবুৰীয়া ৰাজ্যখনৰ মুৰী মুগলী আৰু গেমীৰ মাজত ১৩ নং ৰাষ্ট্ৰীয় ঘাইপথত এই ঘটনা সংঘটিত হয়। জানিব পৰা অনুসৰি পাহাৰৰ পৰা প্ৰকাণ্ড শিল লোককেইজনে গৈ থকা গাড়ীৰ ওপৰত বাগৰি পৰিছিল আৰু ফলত থিতাতে মৃত্যু হয় লোককেইজনৰ।
লোককেইজনে অৰুণাচল প্ৰদেশৰ পৰা এক ধৰ্মীয় অনুষ্ঠানত অংশ লৈ ঘৰলৈ ওভতাৰ পথতে যোৱা নিশা এই দুৰ্ঘটনাটো সংঘটিত হয়। লোককেইজনে এখন এ এছ ১৬ জে ০৮৭১ নম্বৰৰ ৱাগনআৰ গাড়ীৰে ঘৰলৈ ওভতিছিল তেতিয়াই ভূমিস্খলনৰ ফলত গাড়ীখনৰ ওপৰত বৃহত শিল বাগৰি পৰে। ফলত থিতাতে লোককেইজনৰ মৃত্যু হয়। মৃত্যু হোৱা চাৰিওজন লোকৰ ঘৰ কোকৰাঝাৰ জিলাৰ গোসাঁইগাঁৱত। নিহত লোককেইজন হ’ল ক্ৰমে গাড়ীখনৰ চালক হাব্ৰবিল নেপালপাৰাৰ নিৰ্মল হেমৰম, শ্ৰীৰামপুৰৰ খ্ৰীষ্ঠফাৰ হেমৰম আৰু অভিজিৎ হেমৰম। আন এজনক চিনাক্ত কৰিব পৰা হোৱা নাই।
হিন্দুস্থান সমাচাৰ/টাগু/আলোক/অৰৱিন্দ
