বহু প্ৰত্যাশিত ছবি ‘ৱাৰ ২’ক লৈ দীৰ্ঘদিন ধৰি চৰ্চা চলি আহিছে। একচন ভৰ্তি এই ছবিখন পৰিচালনা কৰিছে অয়ন মুখাৰ্জীয়ে আৰু এই ছবিখনক যশ ৰাজ ফিল্মছ স্পাই ইউনিভাৰ্ছৰ এক গুৰুত্বপূৰ্ণ অংশ হিচাপে বিবেচিত হৈছে। এতিয়া ছবিখনৰ পোষ্টাৰখন ওলাইছে।
এই ছবিখনৰ জৰিয়তে দক্ষিণৰ ছুপাৰষ্টাৰ জুনিয়ৰ এনটিআৰে প্ৰথমবাৰৰ বাবে বলীউডত বেং এণ্ট্ৰি কৰিছে। একে সময়তে আকৌ এবাৰ তেওঁৰ প্ৰচণ্ড একচন অৱতাৰত দেখা যাব হৃতিক ৰোশনক। বিশেষ কথাটো হ’ল এইবাৰ কিয়াৰা আদৱানীয়ে প্ৰথমবাৰৰ বাবে হৃতিকৰ সৈতে পৰ্দা শ্বেয়াৰ কৰা দেখা যাব। ঋত্বিক, জুনিয়ৰ এন টি আৰ আৰু কিয়াৰাৰ এক নতুন আভাস ছবিখনৰ পৰা ওলাইছে, যিয়ে অনুৰাগীৰ কৌতুহল আৰু অধিক বৃদ্ধি কৰিছে। সকলো তাৰকাকে তেওঁলোকৰ ষ্ট্ৰং লুক আৰু একচন ৰেডি ষ্টাইলত দেখা গৈছে, যিয়ে ছবিখনৰ ভৱিষ্যৎ আৰু ৰোমাঞ্চৰ আভাস দিয়ে।
অহা ১৪ আগষ্টত স্বাধীনতা দিৱসৰ বিশেষ উপলক্ষে চিনেমাগৃহত মুক্তি পাবলগীয়া ছবিখনে ‘ৱাৰ ২’ত পুনৰবাৰ নিজৰ জনপ্ৰিয় চৰিত্ৰ মেজৰ কবীৰ হিচাপে ঘূৰি আহিছে ঋতিক, আনহাতে জুনিয়ৰ এন টি আৰক সম্পূৰ্ণ নতুন আৰু তীব্ৰ ৰূপত দেখা যাব। ইতিমধ্যে ছবিখনৰ ট্ৰেইলাৰ মুক্তি পোৱাত দৰ্শকৰ প্ৰচণ্ড সঁহাৰি লাভ কৰিছে। এতিয়া লক্ষণীয় হ’ব ছবিখনে বক্স অফিচত কিমান ডাঙৰ হিট বুলি প্ৰমাণিত হৈছে।
हिन्दुस्थान समाचार / মনোজ কুমাৰ শইকীয়া
