চাৰি দশকৰ কেৰিয়াৰত ৩৫০ খনতকৈও অধিক ছবিত অভিনয় কৰা মলয়ালম ছুপাৰষ্টাৰ মোহনলাল বিশ্বনাথন নায়াৰক ২০২৩ বৰ্ষৰ বাবে সন্মানীয় দাদাছাহেব ফালকে বঁটাৰে সন্মানিত কৰা হ’ব। বহু প্ৰত্যাশিত ছবি বৃৃষভাৰ দলটোৱে অভিনেতাগৰাকীক এই বিশেষ কৃতিত্বৰ বাবে অভিনন্দন জনোৱাৰ বাবে আনন্দ আৰু গৌৰৱ প্ৰকাশ কৰে।
বৃষভাৰ প্ৰযোজক একতা আৰ কাপুৰে কয়, অভিনন্দন মোহনলাল ছাৰ! আপোনাৰ প্ৰতিভা আৰু অভিনয় অগণন শিল্পীৰ বাবে প্ৰেৰণা। আপোনাৰ সৈতে কাম কৰাটো টিম বৃষভাৰ বাবে এক আশীৰ্বাদ হৈ পৰিছে। আপুনি সঁচাকৈয়ে ভাৰতীয় চিনেমাৰ এক উজ্জ্বল তাৰকা।
বৰুণ মাথুৰে লগতে কয়, এই উল্লেখযোগ্য কৃতিত্বৰ বাবে মোহনলাল ছাৰক বহুত বহুত অভিনন্দন। আপোনাৰ কিংবদন্তি যাত্ৰাৰ আন এক সোণালী অধ্যায়। সমগ্ৰ দলৰ পৰা আন্তৰিক অভিনন্দন।
অভিষেক ব্যাসে কয়, আন্তৰিক অভিনন্দন মোহনলাল ছাৰ! আপোনাৰ দশক দশক ধৰি কৰা কামে আমাক অনুপ্ৰাণিত কৰি আহিছে আৰু চিনেমাৰ ভৱিষ্যত গঢ়ি তুলিছে। আপোনাৰ যাত্ৰাৰ অংশ হ’বলৈ পাই আমি সন্মানিত হৈছো।
পৰিচালক নন্দ কিশোৰে কয়, মোহনলাল ছাৰে দাদাচাহেব ফালকে বঁটা লাভ কৰাটো প্ৰতিজন চিনেমাপ্ৰেমীৰ বাবে এক গৌৰৱৰ মুহূৰ্ত। তেওঁ কেৱল অভিনেতা নহয়, বৰঞ্চ আৱেগ। তেওঁৰ সৈতে কাম কৰাটো এক সৌভাগ্যৰ কথা।
কানেক্ট মিডিয়া আৰু বালাজী টেলিফিল্মছে বৃষভা উপস্থাপন আৰু প্ৰযোজক শোভা কাপুৰ, একতা আৰ কাপুৰ, চি.কে. পদ্ম কুমাৰ, বৰুণ মাথুৰ, সৌৰভ মিশ্ৰ, অভিষেক এছ ব্যাস, প্ৰবীৰ সিং, বিশাল গুৰানী, আৰু জুহি পাৰেখ মেহতা। মালয়ালম আৰু তেলেগু ভাষাত শ্বুটিং কৰা এই ছবিখন হিন্দী আৰু কানাড়া ভাষাতো মুক্তি পাব। এই দীপাৱলীত বৃষভাৰ ভৱ্য বিশ্বব্যাপী প্ৰিমিয়াৰ হ’ব।
উল্লেখযোগ্য যে চলচ্চিত্ৰ জগতৰ বাবে এক গৌৰৱৰ মুহূৰ্তত কিংবদন্তি মলয়ালমৰ ছুপাৰষ্টাৰ মোহনলালে ভাৰতীয় চিনেমাৰ সৰ্বোচ্চ বঁটা দাদাচাহেব ফালকে বঁটা লাভ কৰাৰ কথা ঘোষণা কৰিছে। চাৰি দশক আৰু ৩৪০খনতকৈও অধিক ছবিৰ যাত্ৰাত মোহনলালে মলয়ালমৰ পৰা আৰম্ভ কৰি তামিল, তেলেগু, হিন্দী, কানাড়ালৈকে প্ৰতিটো উদ্যোগতে স্হায়ী চাপ ৰাখিছে। তেওঁৰ অভিনয়, বহুমুখীতা আৰু চমকপ্ৰদ উপস্থিতিয়ে তেওঁক ঘৰুৱা নাম কৰি তুলিছে আৰু প্ৰজন্মক অনুপ্ৰাণিত কৰিছে।
हिन्दुस्थान समाचार / মনোজ কুমাৰ শইকীয়া
