বলীউডৰ আটাইতকৈ জনপ্ৰিয় ক’ৰ্ট ৰুমৰ নাটক ফ্ৰেঞ্চাইজি ‘জলী এল এল বি’ পুনৰ এবাৰ দৰ্শকৰ সন্মুখত উপস্থিত হ’বলৈ সাজু হৈছে। অনুৰাগীসকলে আগ্ৰহেৰে অপেক্ষা কৰি থকা সেই মুহূৰ্তটো অৱশেষত আহিল। মেকাৰসকলে মুকলি কৰিছে ‘জলি এল এল বি ৩’ৰ বিস্ফোৰক ট্ৰেইলাৰ। ট্ৰেইলাৰ মুক্তি পোৱাৰ লগে লগে ছ’চিয়েল মিডিয়াত ছবিখনৰ প্ৰতি কৌতুহল আৰু অধিক বৃদ্ধি পাইছে।
আদালতত মুথামুখি হ’ব দুই জলীৰ
ট্ৰেইলাৰত আৰ্শ্বদ ৱাৰ্ছী (জগদীশ ত্যাগী ওৰফে জলী) আৰু অক্ষয় কুমাৰ (জগদীশ্বৰ মিশ্ৰ ওৰফে জলী) মুখামুখি হ’ব, য’ত তেওঁলোকৰ তীব্ৰ তৰ্ক আদালত কক্ষত দেখা যাব। ট্ৰেইলাৰত স্পষ্টকৈ দেখা গৈছে যে ন্যায়াধীশ সুন্দৰলাল ত্ৰিপাঠী (সৌৰভ শুক্লা)ও দুয়োজন জলীৰ মাজত হোৱা তৰ্ক বিতৰ্কত বিচলিত হৈ পৰে। অনুমান কৰিব পাৰি যে এইবাৰ আদালতত হাঁহি আৰু বিতৰ্ক দুয়োটাৰে মাত্ৰা দুগুণ হ’ব। একে সময়তে অক্ষয়, আৰ্শ্বদ আৰু সৌৰভৰ ত্ৰিপুৰীয়ে বক্স অফিচত জোকাৰণি তুলিবলৈ সাজু হৈছে।
চলিত বৰ্ষৰ ১৯ ছেপ্টেম্বৰত ছবিগৃহত মুক্তি পাব
সুভাষ কাপুৰৰ পৰিচালক জলি এল এল বি ৩। এইবাৰ ছবিখনৰ তাৰকা অভিনেতাও অতি শক্তিশালী। ছবিখনত অক্ষয় কুমাৰ আৰু আৰ্শ্বদ ৱাৰ্ছিৰ উপৰিও সৌৰভ শুক্লা, হুমা কুৰেশী, অমৃতা ৰাও আৰু সঞ্জয় মিশ্ৰৰ দৰে মহান অভিনেতাক গুৰুত্বপূৰ্ণ চৰিত্ৰত দেখা যাব।
ছ’চিয়েল মিডিয়াত ট্ৰেইলাৰ
ট্ৰেইলাৰ মুকলি হোৱাৰ কেইঘণ্টামানৰ ভিতৰতে ছবিখনক লৈ ছ’চিয়েল মিডিয়াত প্ৰচণ্ড হুলস্থুল দেখা গৈছে। দুয়োজন জলিক মুখামুখিকৈ দেখি অনুৰাগীসকল উৎসাহিত হৈ পৰিছে আৰু কমেণ্ট ছেকচনত ছবিখনৰ প্ৰতি নিজৰ কৌতুহল অহৰহ প্ৰকাশ কৰি আছে। আদালতৰ দৃশ্য, চোকা বিতৰ্ক আৰু হাস্যৰসৰ ছবিখনে দৰ্শকক আকৌ এবাৰ একেখিনি মজা দিয়াৰ প্ৰতিশ্ৰুতি দিছে, যিটো তেওঁলোকে সদায় ‘জলী এল এল বি’ ছিৰিজত পাই আহিছে। এতিয়া তৃতীয় খণ্ডৰ আটাইতকৈ ডাঙৰ বৈশিষ্ট্যটো হ’ল প্ৰথমবাৰৰ বাবে দুয়োজন জলিক একেলগে পৰ্দাত দেখা যাব। অৰ্থাৎ এইবাৰ আদালতৰ কক্ষত নাটকৰ সমান্তৰালকৈ দুয়োজন জলিৰ মাজত যথেষ্ট তৰ্ক-বিতৰ্ক আৰু সংঘৰ্ষ হ’ব।
ট্ৰেইলাৰ মুকলিৰ সময়ত ষ্টাৰকাষ্টৰ মন্তব্য: ট্ৰেইলাৰ মুকলি অনুষ্ঠানত অক্ষয় কুমাৰে কয়, জলী মিশ্ৰ হিচাপে ঘূৰি অহাটো মোৰ বাবে অতি বিশেষ আছিল, কিন্তু আচল মজাটো হ’ল যেতিয়া মোৰ সন্মুখত আন এজন জলী জলী ত্যাগী বহি থাকে। আমাৰ যুক্তি আৰু সংঘৰ্ষই প্ৰতিটো দৃশ্যক অভাৱনীয় কৰি তুলিছিল।
আৰ্ছাদ ৱাৰ্ছিয়ে কয় যে, যাত্ৰা আৰম্ভ হৈছিল জলী ত্যাগীৰ পৰা। বছৰ বছৰ পিছত এই চৰিত্ৰটোক লগ পোৱাটো পুৰণি বন্ধুৰ লগত মুখামুখি হোৱাৰ দৰেই, মাত্ৰ এইবাৰ আমি ক’ৰ্টত যুঁজিব লাগিব। কমেডী আৰু সংঘাতেৰে ভৰা এই যুঁজখনে দৰ্শকক বহুত আনন্দ দিব।
সৌৰভ শুক্লাই নিজৰ শৈলীৰে কয়, জাজ ত্ৰিপাঠী মোৰ আটাইতকৈ প্ৰিয় চৰিত্ৰ হৈ আহিছে, কিন্তু এইবাৰ ক’ৰ্টত দুটা জলী আছে, হুলস্থুল আৰু নাটক, সকলো বেলেগ হৈ পৰিছে।
পৰিচালক সুভাষ কাপুৰে কয় যে, জলী এল এল বি ফ্ৰেঞ্চাইজিৰ বিশেষত্ব সদায় হাঁহি আৰু সামাজিক বিষয়ৰ ভাৰসাম্য। এইবাৰ দুয়োটা জলীক একেটা কাহিনীতে অনাটো এটা প্ৰত্যাহ্বান আছিল আৰু এতিয়া আদালতখন সঁচাকৈয়ে মতাদৰ্শ আৰু ব্যক্তিত্বৰ যুদ্ধক্ষেত্ৰত পৰিণত হৈছে।
हिन्दुस्थान समाचार / অৰৱিন্দ
