নতুন দিল্লী, ১৫ আগষ্ট (হি.স.)। স্বাধীনতা দিৱস উপলক্ষে আজি ঘৰুৱা শ্বেয়াৰ বজাৰত বন্ধৰ দিন। লগতে আজি দুয়োটা অধিবেশনত পণ্য বজাৰত কোনো ধৰণৰ ব্যৱসায় নহ’ব। এতিয়া ১৮ আগষ্টত স্বাভাৱিক ব্যৱসায়ৰ বাবে মুকলি হ’ব শ্বেয়াৰ বজাৰ আৰু পণ্য বজাৰ।
প্ৰায়ে ৰাষ্ট্ৰীয় বন্ধৰ দিন উপলক্ষে শ্বেয়াৰ বজাৰ আৰু পণ্য বজাৰ দুয়োখনতে বন্ধ থাকে। দিনটোৰ দুয়োটা অধিবেশনত শ্বেয়াৰ বজাৰত ব্যৱসায় নহয় যদিও বহু সময়ত দিনটোৰ দ্বিতীয় অধিবেশনত অৰ্থাৎ সন্ধিয়াৰ অধিবেশনত পণ্যৰ বজাৰখন ব্যৱসায়ৰ বাবে মুকলি হয়। আজি দুয়োটা অধিবেশনত পণ্য বজাৰত বন্ধ থাকিব, গতিকে শ্বেয়াৰ বজাৰ আৰু পণ্য বজাৰত কোনো ধৰণৰ ব্যৱসায় নহ’ব।
বম্বে ষ্টক এক্সচেঞ্জৰ বন্ধৰ তালিকা অনুসৰি আজিৰ পিছত গণেশ চতুৰ্থী উপলক্ষে ২৭ আগষ্টত শ্বেয়াৰ বজাৰত বন্ধ থাকিব। ইয়াৰ পিছত মহাত্মা গান্ধী জয়ন্তী আৰু দশহৰা উপলক্ষে ২ অক্টোবৰত শ্বেয়াৰ বজাৰত কোনো ধৰণৰ ব্যৱসায় নহ’ব। অক্টোবৰ মাহত দীপাৱলী আৰু লক্ষ্মী পূজা উপলক্ষে ২১ তাৰিখে বন্ধ থাকিব। অৱশ্যে আজিৰ দিনটোত পৰম্পৰাগত মুহুৰাতৰ ব্যৱসায় এটা নিৰ্দিষ্ট সময়ৰ বাবে কৰা হ’ব। পিছদিনা ২২ অক্টোবৰত বালি প্ৰতিপদত বন্ধ থাকিব। নৱেম্বৰ মাহত ৫ তাৰিখে গুৰু পূৰবত বন্ধ থাকিব, আনহাতে ২৫ ডিচেম্বৰত বৰদিন উপলক্ষে শ্বেয়াৰ বজাৰ বন্ধ থাকিব। এই বন্ধৰ দিনবোৰৰ উপৰিও মুদ্ৰা ডেৰাইভেটিভ ছেগমেণ্টত ঈদ-ই-মিলাদৰ বাবে ৫ ছেপ্টেম্বৰতো বন্ধ থাকিব।
हिन्दुस्थान समाचार / মনোজ কুমাৰ শইকীয়া
