নতুন দিল্লী, ২৫ আগষ্ট (হি.স.)। ই-কমাৰ্চৰ প্ৰসিদ্ধ কোম্পানী ফ্লিপকাৰ্টে উৎসৱৰ বতৰৰ অংশ হিচাপে নিজৰ কৰ্মশক্তি সম্প্ৰসাৰণ কৰিছে। ইয়াৰ অধীনত ২.২ লাখতকৈ অধিক লোকক হ্ৰস্বম্যাদী কৰ্মসংস্থাপন প্ৰদান কৰাৰ কথা ঘোষণা কৰিছে ফ্লিপকাৰ্টে। ইয়াৰ ভিতৰত মহিলাৰ নিযুক্তি ১০ শতাংশ বৃদ্ধি আৰু বিশেষভাৱে সক্ষম লোকসকলৰ বাবে অধিক কৰ্মসংস্থাপনৰ সুযোগ আৰু মনোযোগৰ সৃষ্টি কৰাও অন্তৰ্ভুক্ত।
সোমবাৰে কোম্পানীটোৱে এক বিবৃতিত কয় যে ‘দ্য বিগ বিলিয়ন ডেজ’ বিক্ৰীৰ বাবে যোগান শৃংখল, লজিষ্টিক আৰু লাষ্ট মাইল ডেলিভাৰী খণ্ডক শক্তিশালী কৰি তুলিছে। ইয়াৰ বাবে কোম্পানীটোৱে ২.২ লাখতকৈ অধিক হ্ৰস্বম্যাদী কৰ্মসংস্থাপনৰ সুযোগ সৃষ্টি কৰিব। ইয়াৰ ভিতৰত পিকাৰ, পেকাৰ, ছৰ্টাৰ আৰু ডেলিভাৰী এক্সিকিউটিভৰ ভূমিকাও অন্তৰ্ভুক্ত।
কোম্পানীটোৱে কয়, উৎসৱৰ আগত ফ্লিপকাৰ্টে ২৮খন ৰাজ্যত কৰ্মসংস্থাপনৰ সুযোগ প্ৰদান কৰি আন্তঃগাঁথনি সম্প্ৰসাৰণ কৰি আছে। ইয়াৰ সমান্তৰালভাৱে ২.২ লাখৰো অধিক নিয়োগৰ সুযোগ সৃষ্টি, শেষ মাইল প্ৰসাৰ আৰু ক্ষুদ্ৰ আৰু মজলীয়া চহৰসমূহত নিযুক্তিৰ জৰিয়তে ফ্লিপকাৰ্টে আগন্তুক উৎসৱসমূহত বৃহৎ পৰিসৰত সম্প্ৰসাৰণ কৰাৰ লক্ষ্য ৰাখিছে। ইয়াৰ উপৰিও ই-কমাৰ্চ প্লেটফৰ্ম। ফ্লিপকাৰ্টে ক্ষুদ্ৰ আৰু মজলীয়া চহৰতো ৬৫০টা নতুন উৎসৱমুখৰ যোগান কেন্দ্ৰ মুকলি কৰিব।
ফ্লিপকাৰ্টে কয় যে কোম্পানীটোৱে বহু প্ৰত্যাশিত শ্বপিং ফেষ্টিভেল ‘দ্য বিগ বিলিয়ন ডেজ’ৰ বাবে প্ৰস্তুতি চলাইছে। একে সময়তে ই-কমাৰ্চ বজাৰখনে নিজৰ কৰ্মচাৰী, অংশীদাৰ আৰু প্যান-ইণ্ডিয়া লজিষ্টিকক শক্তিশালী কৰি তুলিছে যাতে দ্ৰুত আৰু সঠিকতাৰে উচ্চ পৰিমাণৰ যোগান ধৰিব পাৰে।
हिन्दुस्थान समाचार / মনোজ কুমাৰ শইকীয়া
