নতুন দিল্লী, ১৯ আগষ্ট (হি.স.)। মহিলা এদিনীয়া বিশ্বকাপ ২০২৫ৰ বাবে ভাৰতীয় দলটো মঙলবাৰে ঘোষণা কৰা হৈছে। মঙলবাৰে নিৰ্বাচকসকলে ১৫ জনীয়া দলটো ঘোষণা কৰে, য’ত যুৱ বেটছমেন শ্বেফলী বৰ্মা বাদ পৰিছে, আনহাতে বেগী বলাৰ ৰেণুকা ঠাকুৰে দলটোত সুন্দৰ প্ৰত্যাৱৰ্তন কৰিছে। ৩০ ছেপ্টেম্বৰৰ পৰা ২ নৱেম্বৰলৈ ভাৰতত অনুষ্ঠিত হ’ব এই প্ৰতিযোগিতা।
ভাৰতীয় মহিলা দলে শ্ৰীলংকাৰ বিৰুদ্ধে অভিযান আৰম্ভ কৰিব। দলীয় সংমিশ্ৰণৰ সন্দৰ্ভত অধিনায়ক হৰমনপ্ৰীত কৌৰে কয় যে, আমাৰ পাৱাৰপ্লেত ৰেণুকা আৰু ক্ৰান্তি আছে, স্লগ অভাৰত শ্ৰী চৰাণী, দীপ্তী আৰু ৰাধাই বলিং কৰিব পাৰে, আনহাতে স্নেহ ৰাণাই মিডল অভাৰত আছে। আমি বিশেষ পৰিৱৰ্তন বিচৰা নাছিলো, আমাৰ লক্ষ্য আছিল ধাৰাবাহিকতা বজাই ৰখা। ৰেনুকাৰ উভতি অহাৰ সময়ত মুখ্য নিৰ্বাচক নীতু ডেভিদে কয় যে, ৰেনুকা আমাৰ বাবে এক মূল্যৱান খেলুৱৈ। আঘাত আৰু নিগলছৰ বাবে তেওঁ আউট হৈছিল, কিন্তু এতিয়া সম্পূৰ্ণৰূপে উপলব্ধ। এইখন এখন ডাঙৰ প্ৰতিযোগিতা আৰু তেওঁক দলত থকাটো বৰ ভাল কথা।
ভাৰতৰ ১৫ জনীয়া দল:
হৰমনপ্ৰীত কৌৰ (অধিনায়ক), স্মৃতি মান্ধনা (উপ অধিনায়ক), প্ৰতিকা ৰাৱাল, হৰলিন দেওল, জেমিমা ৰড্ৰিগেছ, ৰিচা ঘোষ (উইকেটকীপাৰ), যস্তিকা ভাটিয়া, দীপ্তি শৰ্মা, অমনজোত কৌৰ, ৰাধা যাদৱ, স্নেহ ৰানা, অৰুন্ধতী ৰেড্ডী, এন শ্ৰী চৰানী, ৰেনুকা সিং ঠাকুৰ, ক্ৰান্তি গৌড়।
ষ্টেণ্ডবাই খেলুৱৈ : তেজল হাছাবনিছ, প্ৰেমা ৰাৱট, প্ৰিয়া মিশ্ৰ, উমা ছেত্ৰী, মিনু মণি আৰু সয়ালি সাতঘৰে।
হিন্দুস্থান সমাচাৰ / মনোজ কুমাৰ শইকীয়া
