লণ্ডন, ০৫ আগষ্ট (হি.স.)। পাকিস্তানী বেগী বলাৰ মহম্মদ আমিৰ আৰু অল ৰাউণ্ডাৰ ইমাদ ৱাছিমে নৰ্দাৰ্ণ ছুপাৰচাৰ্জাৰৰ সৈতে ‘দ্য হাণ্ড্ৰেড’ ২০২৫ ছিজনৰ বাবে চুক্তিবদ্ধ হৈছে। এই চুক্তিখন এনে সময়ত কৰা হৈছে যেতিয়া এই লীগত ভাৰতীয় বিনিয়োগকাৰীৰ অংশগ্ৰহণ বৃদ্ধি পোৱাৰ বাবে পাকিস্তানী খেলুৱৈসকলৰ অংশগ্ৰহণক লৈ প্ৰশ্ন উত্থাপন হৈছিল।
ইয়াৰ পূৰ্বে ইংলেণ্ড এণ্ড ৱেলছ ক্ৰিকেট ব’ৰ্ডে স্পষ্ট কৰি দিছিল যে ভাৰতীয় বা ভাৰতীয়-আমেৰিকান বিনিয়োগকাৰীৰ আগমনৰ ফলত পাকিস্তানী খেলুৱৈৰ অংশগ্ৰহণত কোনো প্ৰভাৱ নপৰে। ইচিবিৰ মুখ্য কাৰ্যবাহী বিষয়া ৰিচাৰ্ড গোল্ডে ফেব্ৰুৱাৰী মাহত কৈছিল, “আমি আন ক্ষেত্ৰত এই পৰিস্থিতিৰ বিষয়ে অৱগত, কিন্তু ইয়াত এনে নহ’ব।”
মাৰ্চ মাহত অনুষ্ঠিত হোৱা ড্ৰাফটত এজনো পাকিস্তানী পুৰুষ খেলুৱৈ নিৰ্বাচিত নহ’লে সন্দেহ গভীৰ হৈ পৰিছিল যদিও ইয়াৰ এটা কাৰণ ৱেষ্ট ইণ্ডিজ আৰু ইউ এ ইত পাকিস্তানৰ শৃংখলাৰ বাবে তেওঁলোকৰ অনুপলব্ধতাও বুলি ধাৰণা কৰা হৈছিল।
ই এছ পি এনক্ৰিচিনফ’ৰ মতে, আমিৰ আৰু ইমাদে এতিয়া ছুপাৰচাৰ্জাৰছৰ সলনি খেলুৱৈ হিচাপে চুক্তিবদ্ধ হৈছে। অষ্ট্ৰেলিয়াৰ বেন দ্বাৰশ্বুইছৰ ঠাইত আমিৰে সমগ্ৰ প্ৰতিযোগিতাখন খেলিব, আনহাতে মিচেল ছাণ্টনাৰৰ অনুপস্থিতিত ইমাদ ৱাছিমে মাত্ৰ ৭ৰ পৰা ১০ আগষ্টলৈকে দলৰ অংশ হ’ব। মন কৰিবলগীয়া যে ছুপাৰচাৰ্জাৰৰ নতুন মালিক হ’ব ভাৰতীয় মিডিয়া গ্ৰুপ ‘ছান গ্ৰুপ’, যিয়ে ১ অক্টোবৰৰ পৰা কাম-কাজৰ দায়িত্ব ল’ব।
ইংলেণ্ডৰ তাৰকা অল ৰাউণ্ডাৰ বেন ষ্ট’কছকো এই দলত মেণ্টৰিঙৰ ভূমিকাত দেখা যাব। তেওঁ কয়, মই দ্য হাণ্ড্ৰেডত খেলা দেখা নাযাব কিন্তু দলৰ সৈতে সময় কটাব। মই মোৰ আৰোগ্যৰ কাম কৰি আছো আৰু এই সময়ছোৱাত দলৰ অংশ হ’ম। ইংলেণ্ডৰ টেষ্ট বেটছমেনৰ অধিকাংশই এই ছিজনত উপলব্ধ হোৱাৰ বিপৰীতে বেগী বলাৰসকলক জিৰণি দিয়া হৈছে।
২০২৫ চনৰ হাণ্ড্ৰেডত প্ৰতিস্থাপন খেলুৱৈ:
লণ্ডন স্পিৰিট:
জেমী স্মিথ আৰু অলি পোপৰ ঠাইত জন চিম্পছন আৰু ডেন ডাউথৱেটে (৫ আগষ্টৰ মেচখনৰ বাবে)
মানচেষ্টাৰ অৰিজিনেল:
ৰাচিন ৰবীন্দ্ৰৰ ঠাইত মাৰ্ক চেপমেন (৬-১৩ আগষ্ট) আৰু মাৰ্চান্ট ডি লেংগেৰ ঠাইত ফাৰহান আহমেদে
এলা মেককাউগানৰ ঠাইত অমুৰুথা সুৰেংকুমাৰ
উত্তৰ চুপাৰচাৰ্জাৰ:
মিচেল ছাণ্টনাৰ (৭-১০ আগষ্ট)ৰ ঠাইত ইমাদ ৱাছিম আৰু বেন দ্বাৰশ্বুইছৰ ঠাইত মহম্মদ আমিৰে
ট্ৰেণ্ট ৰকেটছ:
জৰ্জ লিণ্ডেৰ ঠাইত আকিয়াল হোছেইন (১০-১৪ আগষ্ট)
हिन्दुस्थान समाचार / মনোজ কুমাৰ শইকীয়া
