মণিপুৰৰ জিৰিবামত নিৰাপত্তা বাহিনীৰ গুলীত নিহত ১০ কুকী যুৱকৰ মৃতদেহ শিলচৰ মেডিকেল কলেজত মৰণোত্তৰ পৰীক্ষাৰ বাবে অনা হয়। ২৪ ঘণ্টা উকলি যোৱাৰ পাছতো চাৰিটা মৃতদেহৰ মৰণোত্তৰ পৰীক্ষা সম্পন্ন নোহোৱাত ট্ৰাইবেল লোকসকলে শিলচৰ মেডিকেল কলেজৰ মৰ্গৰ সন্মুখত উত্তাল প্ৰতিবাদ কৰে। তেওঁলোকে শীঘ্ৰেই মৰণোত্তৰ পৰীক্ষা কৰাৰ দাবীত শ্লোগান দিয়ে আৰু উত্তেজনা দেখা দিয়ে।
BulletsIn
- মণিপুৰৰ জিৰিবামত নিৰাপত্তা বাহিনীৰ গুলীত নিহত ১০ কুকী যুৱকৰ মৃতদেহ মৰণোত্তৰ পৰীক্ষাৰ বাবে শিলচৰ মেডিকেল কলেজলৈ অনা হৈছিল।
- ইয়াৰে ৬ টা মৃতদেহৰ মৰণোত্তৰ পৰীক্ষা সম্পন্ন হৈছিল।
- ২৪ ঘণ্টা উকলি যোৱাৰ পাছতো বাকী চাৰিটা মৃতদেহৰ মৰণোত্তৰ পৰীক্ষা হোৱা নাছিল।
- এই দীৰ্ঘসূত্ৰিতাৰ বাবে কাছাৰৰ ট্ৰাইবেল লোকসকলে শিলচৰ মেডিকেল কলেজৰ মৰ্গৰ সন্মুখত উপস্থিত হৈ প্ৰতিবাদ কৰে।
- ট্ৰাইবেল লোকসকলে মণিপুৰ পুলিচৰ বিৰোধিতা কৰি শ্লোগান দিয়ে।
- তেওঁলোকৰ অভিযোগ, মণিপুৰ আৰক্ষীয়ে তেওঁলোকক বন্দুকেৰে ভয় দেখাইছে।
- প্ৰতিবাদকাৰীসকলৰ দাবী, বাকি চাৰিটা মৃতদেহৰ শীঘ্ৰেই মৰণোত্তৰ পৰীক্ষা কৰা হ’ব লাগে।
- তেওঁলোকে হুংকাৰ প্ৰদান কৰে, মৰণোত্তৰ পৰীক্ষা নকৰিলে মৃতদেহ জোৰজবৰদস্তি লৈ যাব।
- ঘটনাৰ খবৰ পাই কাছাৰ আৰক্ষীৰ এটা বৃহৎ দল ঘটনাস্থলীত উপস্থিত হয়।
- বৰ্তমান শিলচৰ মেডিকেল কলেজত পৰিস্থিতি নিয়ন্ত্ৰণাধীন আছে যদিও চেপা উত্তেজনা আছে।
