নতুন দিল্লী, ১৯ জানুৱাৰী (হি.স.)। ৰাজহুৱা খণ্ডৰ কেন্দ্ৰীয় বেংক অৱ ইণ্ডিয়াই চলিত বিত্তীয় বৰ্ষ ২০২৩-২৪ৰ তৃতীয় ত্ৰৈমাসিকৰ ফলাফল ঘোষণা কৰিছে। অক্টোবৰ-ডিছেম্বৰ ত্ৰৈমাসিকত বেংকটোৰ লাভ ৫৭ শতাংশ বৃদ্ধি পাই ৭১৮ কোটি টকা হৈছে। যোৱা বিত্তীয় বৰ্ষৰ একে সময়ছোৱাত বেংকটোৰ লাভ ৪৫৮ কোটি টকা আছিল।
ভাৰতীয় কেন্দ্ৰীয় বেংকে শুকুৰবাৰে শ্বেয়াৰ বজাৰত অৱগত কৰে যে চলিত বিত্তীয় বৰ্ষ ২০২৩-২৪ ত্ৰৈমাসিকত ৫৭ শতাংশ বৃদ্ধি পাই ৭১৮ কোটি টকা হৈছে। ইয়াৰ বাবেই বিগত বিত্তীয় বৰ্ষ ২০২২-২৩ৰ একেটা ত্ৰৈমাসিকত বেংকটোৱে ৪৫৮ কোটি টকা লাভ কৰিছিল। বেংকটোৰ তথ্য অনুসৰি এই সময়ছোৱাত মুঠ আয় ৯,১৩৯ কোটি টকালৈ বৃদ্ধি পাইছে, যিটো যোৱা বিত্তীয় বৰ্ষৰ একে সময়ছোৱাত ৭,৬৩৬ কোটি টকা আছিল।
বেংকটোৰ তথ্য অনুসৰি শুদ্ধ আয় হ্ৰাস পাই ৩,১৫২ কোটি টকা হয়গৈ, যিটো বিগত বিত্তীয় বৰ্ষৰ একে সময়ছোৱাত ৩,২৮৫ কোটি আছিল। তৃতীয় ত্ৰৈমাসিকত বেংকৰ মুঠ নন-পাৰফৰ্মিং এচেটছ (এনপিএ) মুঠ ঋণৰ ৪.৫০ শতাংশলৈ হ্ৰাস পোৱাৰ বিপৰীতে যোৱা বিত্তীয় বৰ্ষৰ একে সময়ছোৱাত এনপিএ মুঠ ঋণৰ ৮.৮৫ শতাংশ আছিল। ইয়াৰ উপৰিও চলিত বিত্তীয় বৰ্ষ ২০২৩-২৪ৰ ডিছেম্বৰ ত্ৰৈমাসিকত বেংকটোৰ নিকা এনপিএও ১.২৭ শতাংশলৈ হ্ৰাস পাইছে, যিটো যোৱা বিত্তীয় বৰ্ষৰ একে সময়ছোৱাত ২.০৯ শতাংশ আছিল।
হিন্দুস্থান সমাচাৰ/প্ৰজেশ/মনোজ
