ریاض، 7 نومبر (ہ س)۔ عالمی نمبر 1 ارینا سبالینکا نے سست آغاز کے باوجود واپسی کرتے ہوئے دفاعی چیمپئن کوکو گاف کو 7-6(5)، 6-2 سے ہرا کر سیزن کے اختتام پر ہونے والے ڈبلیو ٹی اے فائنلز کے سیمی فائنل میں جگہ بنا لی۔ اس جیت کے ساتھ ہی سبالینکا نے جیسکا پیگولا کے لئے بھی آخری چار میں جگہ یقینی بنادی ۔
تین سال قبل فائنل تک پہنچ چکی بیلاروس کی سبالینکا اس ٹورنامنٹ میں اپنا پہلا خطاب جیتنے کی کوشش میں ہیں۔وہ اسٹیفی گراف گروپ میں سرفہرست رہیں اور یو ایس اوپن کے فائنل میں ان کا مقابلہ امریکی کھلاڑی امانڈا اینسیمووا سے ہوگا۔
دریں اثنا، امریکی کھلاڑی پیگولا کا مقابلہ فارم میں چل رہی قازقستان کی کھلاڑی ایلینا رایباکینا سے ہوگا جو سرینا ولیمز کے گروپ کی بہترین کھلاڑی کے طور پر سیمی فائنل میں داخل ہوئیں۔
گاف کا سرو پہلے میچ میں پیگولا کے خلاف شکست کے بعد سے ہی تشویش کا باعث تھا، لیکن سبالینکا کے خلاف انہوں نے جارحانہ ریٹرن گیم سے شروعات کرتے ہوئے بریک حاصل کیا اور 4-2 کی سبقت حاصل کی۔
تاہم، سبالینکا نے اہم مواقع پر بریک پوائنٹ بچاتے ہوئے میچ میں واپسی کی اور اسکور کو 5-5 سے برابر کردیا۔ پہلے سیٹ کے ٹائی بریک میں انہوں نے زبردست مقابلے کا جذبہ دکھاتے ہوئے جیت درج کی اور پھر دوسرے سیٹ میں 4-0 کی برتری حاصل کر مقابلے پر پوری طرح سے قبضہ کر لیا۔
27 سالہ سبالینکا نے آخر میں شاندار انداز میں میچ جیتا اورخطاب کے ایک قدم مزید قریب پہنچ گئیں۔
ہندوستھان سماچار
ہندوستان سماچار / محمد شہزاد
