لکھنؤ ،29اکتوبر (ہ س )۔
انڈیا اور انگلینڈ کے درمیان ورلڈ کپ 2023 کا 29 واں میچ لکھنؤکے ایکانا اسٹیڈیم میں کھیلا گیا۔ بھارت نے انگلینڈ کو 100 رنز سے شکست دے کر جیت کا سکس لگا دیا ہے ۔ اس جیت کے ساتھ ہی ہندستان پوائنٹس ٹیبل میں ٹاپ پر پہنچ گیا ہے۔
بھارت کے 230 رنز کے جواب میں دفاعی چمپئن انگلینڈ کی ٹیم 34.5 اوورز میں 129 رنز پر آل آؤٹ ہو گئی۔ انگلینڈ کی جانب سے لیام لیونگسٹن (27) نے سب سے زیادہ رنز بنائے۔ سمیع نے چار انگلش بلے بازوں کو پویلین بھیجا۔ جبکہ بمراہ نے تین اور کلدیپ نے دو وکٹیں حاصل کیں۔ ایک وکٹ جڈیجہ کے نام رہی۔
اس سے قبل بھارتی ٹیم کی شروعات خراب رہی اور 12ویں اوور تک شبھمن گل (09)، ویرات کوہلی (00) اور شریس ایر (04) 40 کے مجموعی اسکور کے ساتھ پویلین لوٹ گئے۔
تین وکٹیں تیزی سے گرنے کے بعد کپتان روہت شرما اور کے ایل راہول نے چوتھی وکٹ کے لیے 91 رنوں کی شراکت بنا کر بھارتی ٹیم کو میچ میں واپس لانے کی کوشش کی۔ ایسے وقت میں جب ایسا لگ رہا تھا کہ بھارتی ٹیم دوبارہ کنٹرول میں آگئی ہے، ڈیوڈ ولی نے کے ایل راہل کو آوٹ کرکے بھارت کو چوتھا جھٹکا دیا۔ راہل نے 58 گیندوں میں 3 چوکوں کی مدد سے 39 رن بنائے۔ یہ وکٹ 31ویں اوور میں 131 کے مجموعی سکور پر گری۔ راہل کے آو¿ٹ ہونے کے بعد سوریہ کمار یادو نے کپتان روہت کے ساتھ مل کر اننگ کو آگے بڑھایا۔
37ویں اوور میں اننگ کو تیز کرنے کے لئے روہت نے عادل رشید کی گیند پر چھکا لگانے کی کوشش کی اور لیام لیونگسٹون نے مڈ وکٹ پر شاندار کیچ لیا۔ روہت نے 101 گیندوں میں 10 چوکوں اور 3 چھکوں کی مدد سے 87 رن بنائے۔ روہت کے آو¿ٹ ہونے کے بعد بھارتی وکٹیں تیزی سے گرنے لگیں اور ٹیم 50 اووروں میں 9 وکٹوں پر 229 رن ہی بنا سکی۔ کلدیپ یادیو 9 رنز بنانے کے بعد ناٹ آو¿ٹ رہے۔ وہیں جسپریت بمرا اننگز کی آخری گیند پر رن آو¿ٹ ہوئے۔
انگلینڈ کی جانب سے ڈیوڈ ولی نے 3، کرس ووکس اور عادل رشید نے 2، 2 اور مارک ووڈ نے 1 وکٹ حاصل کی۔
