مرڈیکا کپ: ہندوستانی ٹیم سیمی فائنل میں میزبان ملیشیا کو چیلنج کرنے کے لیے تیار
نئی دہلی، 13 اکتوبر (ہ س)۔ ہندوستانی فٹ بال ٹیم جمعہ کو کوالالمپور کے بکٹ جلیل اسٹیڈیم میں 2023 مرڈیکا کپ کے سیمی فائنل میں میزبان ملائیشیا کو چیلنج کرنے کے لیے تیار ہے۔ اس باوقار مقابلے میں ہندوستانی ٹیم کی یہ 18ویں شرکت ہے اور 21 سال کی غیر موجودگی کے بعد ٹورنامنٹ میں ان کی واپسی ہوئی ہے۔
مرڈیکا کپ کے ساتھ ہندوستان کی ایک خاص وابستگی ہے کیونکہ اس ایونٹ کے ساتھ ٹیم کی ایک طویل تاریخ ہے۔
اے آئی ایف ایف ڈاٹ کوم کے مطابق، ہندوستان نے آزادی حاصل کرنے کے بعد سے اب تک ملائیشیا میں مرڈیکا کپ میں کسی بھی دوسرے بین الاقوامی میچ کے مقابلے میں زیادہ بار حصہ لیا ہے، ایسا کل 17 مرتبہ ہوا ہے۔ ملائیشیا اور بھارت کی دیرینہ حریف ہے۔ ملیشیا 31 میچوں کے ساتھ ہندوستان کا سب سے بڑا حریف رہا ہے۔ اس لیے بلیو ٹائیگرز اپنی صلاحیتوں کا مظاہرہ کرنے اور خود کو قائم کرنے کے خواہشمند ہوں گے۔
حالانکہ، ملیشیا، جسے گھریلو سرزمین پر چمپئن شپ جیتنے کے لیے فیورٹ سمجھا جاتا ہے، ہندوستان کے لیے ایک سخت چیلنج پیش کرے گا۔ باصلاحیت کھلاڑیوں کی ٹیم کے ساتھ ملائیشیا کی ٹیم نے حالیہ برسوں میں کافی سدھار کیا ہے۔
ٹورنامنٹ کے اس ایڈیشن میں سب سے کم رینک والی ٹیم ہونے کے باوجود، وہ اپنی صلاحیتوں کا مظاہرہ کرنے کے لیے آمادہ ہوگی۔
ہندوستھان سماچار
/شہزاد
