بنگلورو ایف سی کے خلاف ہیڈ کوچ کے جھٹکے سے نکلنے کی کوشش کرے گی ممبئی سٹی ایف سی
بنگلورو، 8 دسمبر (ہ س)۔ ممبئی سٹی ایف سی کی ٹیم ایک ماہ سے زیادہ عرصے کے بعد انڈین سپر لیگ (آئی ایس ایل) 20-2023 کے ایکشن میں واپس آگئی ہے۔ ممبئی کا مقابلہ آج رات شری کانتیراوا اسٹیڈیم میں میزبان بنگلورو ایف سی سے ہوگا۔ آئی لینڈرز کو گزشتہ ماہ اس وقت بڑا دھچکا لگا جب ان کے ہیڈ کوچ ڈیس بکنگھم نے ممبئی سٹی ایف سی کو چھوڑ دیا اور اپنے بچپن کے کلب آکسفورڈ یونائیٹڈ ایف سی کا چارج سنبھالنے کے لیے گھر واپس آگئے۔
بکنگھم کی بلیو آرمی کی شکل میں پہچانے جانے والے موجودہ لیگ ونر شیلڈ ہولڈرز نے گزشتہ دو سالوں میں برطانوی پالیسی ساز کے خیالات، فلسفے اور کھیل کے انداز کو مکمل طور پر اپنا لیاتھا۔ انہوں نے آئی لینڈرز کو بڑی کامیابی دلائی۔ وہ لیگ میں 100 گول کرنے والی تیز ترین ٹیم بن گئی اور ڈیس لیگ شیلڈ جیتنے والے سب سے کم عمر کوچ بھی بن گئے۔
ڈیس کے جیسا قابل کوچ کو تلاش کرنا مشکل کام ہوگا، فی الحال اسسٹنٹ کوچز انتھونی فرنانڈیس اور ہیوشی میازاوا عبوری بنیادوں پر چارج سنبھال رہے ہیں۔ حالانکہ اے ایف سی چیمپئنز لیگ گروپ مرحلے کےاپنے تمام چھ میچ ہارنے کے بعد آئی لینڈرز کو اس بار اپنے گھریلو غلبے کو دوبارہ حاصل کرناہے۔
آئی لینڈرز صرف آئی ایس ایل پر توجہ مرکوز کر سکتے ہیں، جہاں وہ فی الحال پانچ میچوں میں 11 پوائنٹس کے ساتھ ٹیبل پر پانچویں نمبر پر ہیں۔ وہ سرفہرست ایف سی گوا (19) سے آٹھ پوائنٹ پیچھے ہیں، جنہوں نے دو اضافی میچ (7) بھی کھیلے ہیں۔ حالانکہ ممبئی سٹی ایف سی کو پتہ ہے کہ شیلڈ کی دفاع کے لیے پوائنٹس نہیں گنواسکتی ہے۔ اس لیے ٹیم کو میدان میں بہتر طریقے سے اپنی ذمہ داریاں نبھانی ہوں گی اور بلیوز ممبئی سٹی ایف سی کیمپ میں غیر یقینی کے اس ماحول سے فائدہ اٹھانے کی کوشش کرے گی۔
آپ کو بتاتے چلیں کہ دونوں ٹیموں کے درمیان اب تک 14 میچ کھیلے جا چکے ہیں جن میں بنگلورو ایف سی نے 7 اور ممبئی سٹی ایف سی نے 6 جیتے ہیں، جب کہ ایک میچ ڈرا ہوا ہے۔
ہندوستھان سماچار
/شہزاد
