نئی دہلی ،03دسمبر (ہ س )۔
احمد شہزاد کی پاکستانی ٹیم میں واپسی کے سوال پر چیف سلیکٹر وہاب ریاض نے بڑا جواب دیا ہے۔ پریس کانفرنس کے دوران جب ان سے سوال پوچھا گیا کہ کیا احمد شہزاد کو پاکستانی ٹیم میں شامل کیا جائے گا تو وہاب ریاض نے صحافی سے ہی سوال کیا کہ کیا آپ جانتے ہیں کہ گزشتہ تین سالوں میں ان کی کارکردگی کیسی رہی؟
اگر ہم احمد شہزاد کی بات کریں تو وہ کافی عرصے سے پاکستانی ٹیم سے باہر ہیں۔ انہوں نے 2015 کا ورلڈ کپ کھیلا تھا اور ایک وقت میں ان کا موازنہ بھارت کے وراٹ کوہلی سے کیا جاتا تھا لیکن احمد شہزاد ایسی کارکردگی نہ دکھا سکے اور پاکستان ٹیم سے بھی باہر ہو گئے۔
پریس کانفرنس کے دوران وہاب ریاض سے یہ سوال پوچھا گیا کہ کیا احمد شہزاد کو ٹی ٹوئنٹی ورلڈ کپ کے لیے پاکستانی ٹیم میں جگہ ملے گی؟ اس کے جواب میں وہاب ریاض نے کہا کہ
کیا آپ جانتے ہیں کہ احمد شہزاد نے گزشتہ تین سالوں میں کس طرح کی پرفارمنس دی ہے؟ ہم نے بہت سنا ہے کہ تین سال، تین سال، لیکن میں چاہتا ہوں کہ مجھ سے سوال کرنے والے کو معلوم ہو کہ احمد شہزاد نے پچھلے تین سالوں میں کیسا کھیل دکھایا ہے۔ اگر میں آپ کو بتاو¿ں تو احمد نے پچھلے تین سالوں میں کل 18 ٹی ٹوئنٹی میچ کھیلے ہیں۔ ان کے 600 سے زیادہ رنز ہیں لیکن وہ ابھی تک تین سال سے پی ایس ایل میں نہیں کھیلے ہیں۔ اچھی بات یہ ہے کہ اس کی کارکردگی اس وقت اچھی ہے اور اس نے کافی رنز بنائے ہیں۔ میں ہر چیز سے واقف ہوں اور ہر لڑکے پر میری نظر ہے۔
آپ کو بتاتے چلیں کہ احمد شہزاد پہلے بہت اچھی بیٹنگ کرتے تھے لیکن اب وہ ٹیم میں واپسی کے لیے مشکلات کا شکار ہیں۔
ہندوستھان سماچار
