نئی دہلی ،17دسمبر (ہ س )۔
پرتھ میں پاکستان کے خلاف پہلے ٹیسٹ کے تیسرے روز آسٹریلوی بلے باز مارنس لیبوشین کی انگلی میں انجری ہوئی تھی جس کے بعد انہیں اسکین کے لیے اسپتال لے جایا گیا تھا۔ لیبو شین کو آسٹریلیا کی دوسری اننگز کے چھٹے اوور میں خرم شہزاد کی گیند پر چھوٹی انگلی میں چوٹ لگ گئی۔
پہلے آسٹریلوی بلے باز کا میدان پر ہی علاج کیا گیا اور کچھ دیر بعد دوبارہ بیٹنگ شروع کر دی۔ لیکن لیبو شین آرام دہ نظر نہیں آئے اور 2 رنز بنانے اور خراب شاٹ کھیلنے کے بعد اپنی وکٹ گنوا بیٹھے۔
براڈکاسٹر نے آسٹریلیا کے ٹیم روم کی صورت حال کو کیچ کیا، جہاں طبی عملے کی مدد سے ہیلپ کی جا رہی تھی۔ آسٹریلوی فاسٹ باو¿لر جوش ہیزل ووڈ نے صحافیوں کو بتایا، ‘مارنس لیبوشین آخری گھنٹے میں ڈاکٹر اور فزیو سے بات کر رہے تھے اور اس دوران ان کی انگلی کے کچھ ٹیسٹ کیے گئے۔ شاید اس کی انگلی سوجی ہوئی ہے۔
جب مارنس لیبوشین زخمی ہوئے تو عثمان خواجہ نان اسٹرائیکر اینڈ پر کھڑے تھے۔ خواجہ نے کہا، ‘چوٹ اچھی نہیں لگتی۔ مارنس لیبوشین ایک سخت کرکٹر ہیں۔ جب انہوںنے دستانے اتارے اور اپنی انگلی کی طرف دیکھا تو میں قدرے پریشان ہو گیا کیونکہ وہ ایک سخت آدمی ہیں۔
بتا دیں کہ آسٹریلیا اور پاکستان کے درمیان اتوار کو پہلے ٹیسٹ کے چوتھے دن کا کھیل ختم ہو چکا ہے۔ آسٹریلیا نے پاکستانی ٹیم کو کراری شکست دیتے ہوئے 89رن پر ہی آوٹ کر دیا ہے ۔اور پاکستانی ٹیم آج سو رن کا ہندسہ بھی نہیں پہنچ سکی ۔
ہندوستھان سماچار
